Hitaveita á köldum svæðum álitlegri með tækniframförum í jarðhitaleit

Kristján Már Unnarsson skrifar 28. júní 2022 22:44

Auður Agla Óladóttir er jarðfræðingur hjá ÍSOR, Íslenskum orkurannsóknum. Ívar Fannar Arnarsson

Ísafjörður, Patreksfjörður og Grundarfjörður eru í flokki álitlegustu þéttbýlisstaða á Íslandi til að fá hitaveitu, að mati jarðfræðings hjá ÍSOR, sem segir tækniframfarir í jarðhitaleit kalla á endurmat á svokölluðum köldum svæðum hérlendis.

Fjallað var um málið í fréttum Stöðvar 2 og rifjað upp að Höfn í Hornafirði varð í fyrra nýjasta þéttbýlið til að fá hitaveitu. Þangað er heita vatnið leitt úr borholum úr sveitinni frá bænum Hoffelli.

Auður Agla Óladóttir, jarðfræðingur hjá ÍSOR, hvatti til meiri jarðhitaleitar í erindi á fundi þar í dag. Hún sagði lítið hafa gerst í þeim efnum á síðustu tuttugu til þrjátíu árum.

„Það eru tæknilegar framfarir. Það eru framfarir í ýmsum þáttum sem koma að jarðhitaleit og við teljum að það sé bara óplægður akur víða hvað varðar nýtingu á lághita,“ segir Auður.

Hún nefnir að áður fyrr hafi menn bara horft á vatn yfir 70 gráðu heitt. Núna sé að renna upp fyrir mönnum að 20 til 30 gráðu heitt vatn sé einnig mikil auðlind.

Frá Ísafirði. Höfuðstaður Vestfjarða er stærsta þéttbýli á Íslandi án jarðvarmaveitu.Vilhelm Gunnarsson

Auður vill hætta að tala um köld svæði hérlendis.

„Það er í rauninni ekki rétt, hvorki jarðfræðilega rétt né í neinum skilningi.“

Þannig setur hún Ísafjörð núna á lista yfir álitlegustu þéttbýlisstaðina til jarðhitaleitar enda sé hann sá stærsti hérlendis án jarðvarmaveitu.

„Þar hefur verið mikil leit sem hefur ekki borið árangur ennþá. En þar eru möguleikar.“

En einnig á Hólmavík, Patreksfirði, Tálknafirði, Grundarfirði, Djúpavogi og Vík í Mýrdal. Og síðan í Snæfellsbæ, á Bíldudal, Kirkjubæjaklaustri, Vopnafirði, Fáskrúðsfirði, í Neskaupstað, Mjóafirði og á Reyðarfirði, samkvæmt lista sem hún birti með erindi sínu.

Álitlegustu staðirnir til jarðhitaleitar, að mati sérfræðings ÍSOR, eru merktir með bláu letri. Þeir næstálitlegustu með hvítu letri.Grafík/Ragnar Visage

Auður nefnir að bæði Eskifjörður og Drangsnes hafi fengið hitaveitu eftir síðasta átaksverkefni stjórnvalda fyrir um tuttugu árum.

„Þannig að þegar ríkið stígur inn með aukið fjármagn í jarðhitaleit þá ber það árangur.“

Áætlað er að tæp níutíu prósent húsa á Íslandi séu núna kynt með jarðhita. Auður Agla segir til mikils að vinna að hækka þetta hlutfall á tímum orkuskipta og loftlagsbreytinga.

„Þetta má ekki gleymast. Þetta eru virkileg verðmæti sem við búum yfir.

Við vorum svo lánsöm að veðja á jarðhitann fyrir mörgum áratugum síðan. Og það er að renna upp fyrir okkur núna hversu mikils virði það er,“ segir Auður Agla Óladóttir jarðfræðingur.

Hér má sjá frétt Stöðvar 2:

Orkumál Loftslagsmál Umhverfismál Byggðamál Jarðhiti Ísafjarðarbær Vesturbyggð Strandabyggð Tálknafjörður Mýrdalshreppur Múlaþing Snæfellsbær Fjarðabyggð Vopnafjörður Skaftárhreppur Grundarfjörður

Tengdar fréttir

Hornfirðingar fá hitaveitu

Hornfirðingar geta leyft sér að hlakka til; þeir fá hitaveitu. Fundist hefur heitt vatn í sveitinni sem dugar til að hita upp öll húsin í bænum.

15. október 2017 21:30

Telja frekari tækifæri til borana eftir heitu vatni

Jarðhiti til húsahitunar gæti enn verið vannýtt auðlind hérlendis, einkum í dreifbýlinu. Þannig segjast bændur á Ströndum sannfærðir um að þar finnist jarðhiti víða og hvetja til rannsókna og borana.

8. apríl 2022 04:49

Ný heitavatnsuppspretta við Ölfusárbrú

Nýr foss, Selfoss, streymir nú í Ölfusá.

1. júlí 2017 20:14

Lífsgæði batna þegar heita vatnið kemur í sveitirnar

Íbúar 120 sveitabæja í Húnaþingi vestra sjá fram á bætt lífsgæði á næstu árum.

7. mars 2015 20:59

Eyjamenn fá 80 stiga hita úr sjónum og kælivatn í bónus

Sjórinn umhverfis Vestmannayjar verður nýttur til að hita upp hýbýli Eyjamanna með næststærstu varmadælustöð heims.

16. júlí 2017 20:30

Fundu óvænt 75 gráða heitt vatn í Áshildarmýri

Bormenn frá Ræktunarsambandi Flóa og Skeiða fundu heita vatnið með því að bora á réttum stað og finna réttu heitavatnssprunguna í landi Áshildarmýrar í Skeiða og Gnúpverjahreppi.

2. september 2017 21:16

Leita af heitustu uppsprettu vatns á Seltjarnanesi

Leit að heitu vatni er hafin á Seltjarnarnesi en bora á þrjá tilraunaholur skammt frá Gróttu.

14. maí 2014 20:35

Hitaveita lögð til Skagastrandar

Sveitarstjórn Skagastrandar hefur samþykkt samning við Rarik um lagningu hitaveitu í bæinn. Gert er ráð fyrir að fyrstu hús tengist hitaveitunni haustið 2013 og að öll hús hafi möguleika á tengingu haustið 2014.

5. janúar 2012 07:00

Hitaveiturnar spara hverjum Íslendingi 200 þúsund kr. á ári

800 manns frá 50 þjóðlöndum læra um nýtingu jarðhita af Íslendingum á ráðstefnu í Hörpu.

27. apríl 2016 19:00

Langþreyttir á heitavatnsleysi

Grundfirðingar segja að Orkuveitan þurfi að standa við gerða samninga.

25. júní 2015 09:00

Vonbrigði á Tálknafirði

Borun eftir heitu vatni við Tálknafjörð hefur verið hætt án þess að tilætlaður árangur næðist.

13. júní 2013 14:59

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.