Evrópumótið hefst 6. júlí næstkomandi og var fyrir lifandi löngu uppselt á leiki Íslands. Nú hefur KSÍ tilkynnt að sambandinu hafi borist aukamiðar sökum ýmissa ástæðna.
KSÍ er með miða til sölu á leiki Íslands í riðlakeppni EM 2022. Um er að ræða miða á alla þrjá leiki Íslands í riðlakeppninni sem hafa losnað af ýmsum ástæðum í lokaundirbúningi og skipulagi mótsins og leikjanna.
— Knattspyrnusambandið (@footballiceland) June 22, 2022
Áhugasamir hafi samband sem fyrst við KSÍ í gegnum midasala@ksi.is. pic.twitter.com/duS2e1LikQ
Á vef KSÍ er bent á að hægt sé að hafa samband sem fyrst við KSÍ í gegnum midasala@ksi.is og tryggja sér miða.
Ísland hefur leik á EM þann 10. júlí þegar liðið mætir Belgíu á velli akademíu Manchester City. Liðið mætir Ítalíu á sama velli þann 14. júlí.
18. júlí færir Ísland sig yfir til Rotherham og leikur gegn Frakklandi á New York-vellinum þar í bæ.
