Fregnir berist af meirihlutaviðræðum í Reykjanesbæ um og eftir helgi

Hallgerður Kolbrún E. Jónsdóttir skrifar 25. maí 2022 13:36

Oddvitar flokkanna þriggja. Friðjón Einarsson frá Samfylkingunni, Halldóra Fríða Þorvaldsdóttir úr Framsókn og Valgerður Björk Pálsdóttir úr Beinni leið. Vísir

Meirihlutaviðræður Framsóknarflokksins, Samfylkingarinnar og Beinnar leiðar í Reykjanesbæ mjakast og búast má við fregnum af þeim um og eftir helgi. Þetta segir Halldóra Fríða Þorvaldsdóttir oddviti Samfylkingarinnar í samtali við Vísi.

Flokkarnir þrír hófu meirihlutaviðræður á sunnudag en þeir voru saman í meirihluta á síðasta kjörtímabili og mynduðu þá sex manna meirihluta. Flokkarnir bættu við sig manni í kosningunum núna í maí.

Halldóra Fríða segir í samtali við fréttastofu að viðræðurnar hafi gengið vel, enda hafi flokkarnir unnið vel saman undanfarin fjögur ár. Flokkarnir séu að klára að fara í gegn um málefnin og haldi svo áfram í næstu mál. Hún segist búast við að fregna verði að vænta af viðræðunum um og eftir helgi.

Sveitarstjórnarkosningar 2022 Reykjanesbær Samfylkingin Framsóknarflokkurinn

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.