Innlent

Að­eins eitt prósent ekki með bruna­varnir á heimilinu

Hallgerður Kolbrún E. Jónsdóttir skrifar
Um 98 prósent eru með reykskynjara á sínu heimili.
Um 98 prósent eru með reykskynjara á sínu heimili. Getty/Soeren Stache

Níutíu og átta prósent landsmanna eru með reykskynjara á heimili sínu og aðeins eitt prósent með engar brunavarnir. Þetta kemur fram í niðurstöðum nýlegrar könnunar Maskínu.

Þar kemur í ljós að 98 prósent þeirra sem tóku þátt í könnuninni eru með reykskynjara á heimilinu,  86 prósent með slökkvitæki og 75 prósent með eldvarnarteppi. Þá eru 54 prósent með þrennar brunavarnir á heimilinu, 29 prósent með tvennar og aðeins tólf prósent með eina brunavörn. 

Fram kemur í tilkynningu á vef Húsnæðis- og mannvirkjastofnunar að niðurstöðurnar gefi til kynna að brunavarnir séu góðar á mörgum heimilum. 

„Það er jákvætt að fólk hugar að ástandi brunavarna heima fyrir og sé meðvitað um flóttaleiðir og aðgengi að slökkvitækjum,“ segir í tilkynningu stofnunarinnar. 

Þá segir að ekki sé nóg að hafa eldvarnartæki á heimilinu, þau þurfi líka að virka, vera sýnileg og fólk þurfi að kunna að nota þau tæki sem eru til staðar. 

„Mikilvægt er að setja upp flóttaáætlun og skipuleggja flóttaleiðir á heimilinu, ræða málin með öllum íbúum heimilisins um það hvernig við bregðumst við bruna. Það er áhugavert að rýna niðurstöður könnunarinnar og afar ánægjulegt að sjá að mikil vitundarvakning hefur átt sér stað um brunavarnir heimilanna en betur má ef duga skal.“



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×