Innlent

Ögmundur og Kristinn segja meðferðina á Assange ekkert annað en pyndingar

Heimir Már Pétursson skrifar
Ögmundur Jónasson fyrrverandi dómsmálaráðherra og Kristinn Hrafnsson ritstjóri WikiLeaks segja meðferðina á Julian Assange ekkert annað en pyndingar.
Ögmundur Jónasson fyrrverandi dómsmálaráðherra og Kristinn Hrafnsson ritstjóri WikiLeaks segja meðferðina á Julian Assange ekkert annað en pyndingar. Vísir/Vilhelm

Mótmælendur kröfuðst þess fyrir utan breska sendiráðið í dag að Julian Assange stofnandi WikiLeaks verði nú þegar látinn laus úr bresku fangelsi og þar með ekki framseldur til Bandaríkjana. Ögmundur Jónasson fyrrverandi dómsmálaráðherra segir að þar biði hans allt að 170 ára fangelsi.

Þetta var þriðji dagurinn og síðasti dagurinn í röð sem Ögmundur stillti sér upp við breska sendiráðið í hádeginu. Fyrsta daginn var hann einn og afhenti þá sendiráðsstarfsmanni bréf til Bryony Mathew sendiherra Bretlands á Íslandi. Í gær stóðu nokkur með Ögmundi og í dag mætti hátt á þriðja tug til að sýna samstöðu með kröfum hans.

Í bréfinu lýsir Ögmundur áhyggjum sínum yfir örlögum Julian Assange stofnanda WikiLeaks sem nú sitji í fangelsi í Bretlandi og eigi yfir höfði sér að vera framseldur til Bandaríkjanna. Í Bandaríkjunum væri Assange sakaður um njósnir.

Julian Assange færður fyrir dóm í Lundúnum hinn 11. apríl 2019 eftir að breska lögreglan réðst til inngöngu í sendiráð Ekvador og handtók hann að morgni sama dags.Getty/Jack Taylor

Í augum almennings hefði WikiLeaks bæði undir forystu Assange og síðar eftir fangelsun hans fyrst og fremst þjónað almenningi með því að upplýsa hann um stríðsglæpi. Samtökin hafi að auki varpað ljósi á leynilega alþjóðlega viðskiptasaminga og vakið athygli almennings á málum sem eigi erindi í lýðræðislega umræðu.

Rúmlega tuttugu manns kröfðust þess fyirir utan breska sendiráðið í dag að Julian Assange verði nú þegar látinn laus úr haldi.Vísir/Vilhelm

Í bréfinu segir að Mike Pompeo fyrrverandi forstjóri bandarísku leyniþjónustunnar CIA og síðar utanríkisráðherra hafi lýst WikiLeaks sem fjandsamlegri leyniþjónustu sem væri nauðsynlegt að brjóta á bak aftur.

„Árið 2011 komst ég að því að eigin raun sem dómsmálaráðherra hvaða aðferðum bandarísk yfirvöld beita í tilraunum sínum til fá aðrar þjóðir til samvinnu í að sakfella stofnanda WikiLeaks. Það hafði ekkert með réttlæti að gera, aðeins pólitík, þá grófu pólitík að troða niður gagnrýna fréttamennsku," segir Ögmundur í bréfinu.

Anna Jonna Ármannsdóttir var ein þeirra sem mætti á mótmælastöðuna við breska sendiráðið. Hér heldur hún á mynd af móður Julians og ósk hennar um launs sonar hennar.Vísir/Vilhelm

„Nú er það breskt réttlæti og bresk stjórnmál og í raun breskt lýðræði sem bíði dóms," segir Ögmundur. Hann hvetur síðan sendiherrann til að til að koma kröfum sínum áleiðis til ríkisstjórnar sinnar. Og kröfurnar eru einfaldar:

Hættið að ofsækja frelsið, sleppið Julian Assange.

Hér má sjá ítarlegt viðtal við Ögmund Jónasson og Kristinn Hrafnsson ritstjóra WikiLeaks sem var tekið í mótmælastöðunni í dag. Þar lýsir Kristinn meðal annars bágbornu heilsufari Assange eftir um tvö ár í einangrun í fangelsi sem annars hýsir aðeins hryðjuverkamenn og verstu afbrotamenn Bretlands.


Tengdar fréttir

Niðurstaðan hræðileg og nöturlegt að hana beri upp í dag

Dómstóll í Bretlandi úrskurðaði í dag að framselja megi Julian Assange stofnanda Wikileaks til Bandaríkjanna. Kristinn Hrafnsson ritstjóri Wikileaks segir niðurstöðuna hræðilega og hálf nöturlegt að hún skuli koma út á mannréttindadegi Sameinuðu þjóðanna. Málinu verði mætt í héraði með nýrri áfrýjun og sé því alls ekki lokið.

Geta framselt Assange til Bandaríkjanna

Dómstóll í London sneri í dag við fyrri úrskurði undirréttar þar sem framsalsbeiðni Bandaríkjastjórnar vegna Julian Assange, stofnanda Wikileaks, var hafnað.

Líf Ass­an­ge í húfi og lof­orð Banda­ríkja­stjórnar innan­tóm

Dómstóll í Lundúnum tekur nú fyrir áfrýjunarbeiðni Bandaríkjastjórnar vegna framsals Julians Assange en framsalsbeiðninni var hafnað í upphafi árs. Ritstjóri WikiLeaks segir heilsu Assange vera í húfi og gefur lítið fyrir fullyrðingar Bandaríkjamanna um að Assange verði í öruggum höndum þar í landi.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.