Skjálftinn er einn af fjölmörgum sem mælst hafa í nálægð við Keili síðasta sólarhringinn.Vísir/Vilhelm
Jarðskjálfti að stærð 3,3 varð 3,1 kílómetra suðsuðvestur af Keili klukkan 23:21 í kvöld, samkvæmt upplýsingum frá Veðurstofu Íslands.
Skjálftinn fannst meðal annars á höfuðborgarsvæðinu og á Reykjanesskaga en hann mældist á 6,2 kílómetra dýpi. Minni eftirskjálftar fylgdu í kjölfarið. Skjálftavirkni jókst á svæðinu upp úr 22:30 í kvöld en fimm aðrir skjálftar 2,0 og stærri hafa mælst þar fram að miðnætti: 3,0 að stærð klukkan 22:49, 2,7 klukkan 22:44, 2,0 klukkan 22:41, og 2,5 klukkan 23:16, samkvæmt upplýsingum á vef Veðurstofunnar.
Klukkan 23:57 bættist svo annar við 2,5 kílómetra suðvestur af Keili sem var 2,5 að stærð, samkvæmt bráðabirgðatölum.
Skjálftarnir tengjast smáskjálftahrinu sem hófst norðaustur af Geldingadölum um klukkan fimm í dag og voru skjálftarnir þar orðnir um 340 talsins klukkan 22:30.
Um klukkan fimm í dag hófst hrina smáskjálfta norðaustur af Geldingadölum og voru skjálftarnir orðnir um 340 talsins klukkan 22:30. Um er að ræða frekar litla skjálfta á um það bil sjö til átta kílómetra dýpi en sá stærsti mældist 1,8 að stærð klukkan 20:28.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
