Mögulega dregið aftur eftir klúður varðandi Man. Utd

Sindri Sverrisson skrifar 13. desember 2021 12:18

Cristiano Ronaldo og félagar virtust sviptir tækifæri til að mæta Atlético Madrid. Getty/Joe Giddens

Mistök virtust eiga sér stað í beinni útsendingu frá því þegar dregið var í 16-liða úrslit Meistaradeildar Evrópu í fótbolta í dag. UEFA hefur ekki tjáð sig um málið en mögulegt er að dregið verði að nýju.

Nafn Manchester United var dregið úr skálinni þegar andstæðingur spænska liðsins Villarreal var dreginn. Úr því að liðin höfðu verið saman í riðli þurfti að draga að nýju og dróst Manchester City þá gegn Villarreal.

Þetta gæti hafa valdið ruglingi í kjölfarið, því þegar Atlético Madrid hafði verið dregið inn í næsta einvígi virtist gleymast að hafa kúlu með nafni Manchester United með í skálinni.

Þar með hafði United ekki möguleika á að dragast gegn Atlético. Atlético þarf að gera sér að góðu að mæta Bayern München.

It definitely looks like #mufc s ball - in the second pot from the right, back row - was not included in the Atletico Madrid draw. pic.twitter.com/ubxQHdjkQV
— Mark Critchley (@mjcritchley) December 13, 2021

UEFA really need to make a statement / clarify what happened on that draw because on the face of it, it doesn't seem very fair if not all the potential matches were on the table at the start.
— Alex Shaw (@AlexShawESPN) December 13, 2021

Issue for UEFA is that the whole thing was played out live on camera. To allow the draw to stand when it was clearly flawed -- a genuine mistake, but flawed -- would impact the integrity of the competition
— Mark Ogden (@MarkOgden_) December 13, 2021

Félögin sem málið snertir og fréttaveitur hafa sent fyrirspurn til UEFA og beðið um skýringar á því sem á gekk en ekki fengið svör þegar þetta er skrifað.

Clubs involved in Champions League draw mistake are in direct contact with Uefa to clarify the situation. Still waiting for final decision. #UCL

This is what happened, via @mjcritchley pic.twitter.com/zlFxP7C8OO
— Fabrizio Romano (@FabrizioRomano) December 13, 2021

United dróst svo gegn PSG og hefði líklega ekki getað fengið erfiðari andstæðing úr neðri styrkleikaflokknum. Það þýðir að Cristiano Ronaldo og Lionel Messi mætast að nýju.

Meistaradeild Evrópu í fótbolta karla Fótbolti

Mest lesið

Fleiri fréttir