Fella niður skólahald vegna fjölda smitaðra

Vésteinn Örn Pétursson skrifar 5. desember 2021 19:41

Skólahald í Hlíðaskóla verður fellt niður á morgun, mánudag, og á þriðjudaginn vegna fjölda þeirra Covid-smita sem hafa komið upp í skólanum.

Þetta kemur fram í tilkynningu á vef skólans. Þar segir að ákvörðunin hafi verið tekin í samráði við sóttvarnayfirvöld.

„Allir nemendur þurfa að fara í Covid próf áður en þeir mæta aftur í skólann. Gott er að fara í skimun seinnipart á þriðjudag þannig að svar hafi borist á miðvikudagsmorgun.

Því biðjum við foreldra að fara með þau börn sem hafa verið í sóttkví í PCR próf en allir aðrir nemendur fari í hraðpróf,“ segir í tilkynningunni. Með þessu sé vonast til þess að hægt verði að hefta útbreiðslu veirunnar frekar.

Skóla - og menntamál Reykjavík Faraldur kórónuveiru (COVID-19) Grunnskólar

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.