Innlent

Mikið að gera hjá örvuðum sjúkra­flutninga­­mönnum

Árni Sæberg skrifar
Slökkviliðsmenn fengu örvunarskammt í vikunni sem leið.
Slökkviliðsmenn fengu örvunarskammt í vikunni sem leið. Slökkvilið höfuðborgarsvæðisins

Slökkvilið höfuðborgarsvæðisins sinnti 118 sjúkraflutningum í gær og í nótt. 

Af sjúkraflutningunum 118 voru 26 þeirra tengdir Covid-19. Samkvæmt færslu á Facebook-síðu slökkviliðsins var óvenjumikið að gera í sjúkraflutningum síðastliðinn sólarhring miðað við venjulega helgi.

Þá segir að minna hafi verið að gera við slökkvistörf en einungis einu útkalli var sinnt með dælubíl.

Með færslunni birtir slökkviliðið mynd af örvunarbólusetningu slökkviliðsmanna sem fram fór í slökkvistöðinni við Skógarhlíð í vikunni.

Viðbragðsaðilar á höfuðborgarsvæðinu hafa þegar fengið örvunarskammt af bóluefni gegn Covid-19 eða klára það á mánudag að sögn yfirlögregluþjóns. Byrjað verður að bjóða almenningi upp á þriðja skammt bóluefnis á mánudag.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×