Innlent

Hópslagsmál pilta við Hagkaup hafi átt sér aðdraganda

Kristín Ólafsdóttir skrifar
Slagsmálin urðu fyrir framan Hagkaup í Garðabæ.
Slagsmálin urðu fyrir framan Hagkaup í Garðabæ. Vísir/vilhelm

Veist var að þremur piltum á bílastæði fyrir utan Hagkaup í Garðabæ á fjórða tímanum í nótt. Piltarnir segja gerendur hafa verið eldri pilta, um tvítugt, sem hafi ráðist á vin þeirra fyrr um kvöldið, samkvæmt upplýsingum frá lögreglu.

Greint var frá málinu í dagbók lögreglu á höfuðborgarsvæðinu í morgun en tilkynning hljóðaði upp á „hópslagsmál við Hagkaup í Garðabæ“. Skúli Jónsson aðstoðaryfirlögregluþjónn hjá lögreglu á höfuðborgarsvæðinu segir í samtali við Vísi að slagsmálin virðist hafa átt einhvern aðdraganda.

Miðað við framburð þolenda, þriggja pilta á aldrinum 16-17 ára, hafi gerendur ráðist á vin þeirra fyrr um kvöldið og svo beint spjótum sínum að þremenningunum um nóttina. Vinurinn hafi farið á slysadeild en enginn hafi þó hlotið áverka í slagsmálum næturinnar við Hagkaup.

Lögregla telji sig hafa vísbendingar um hverjir gerendur séu og málið sé í rannsókn. Koma verði í ljós hvort því verði fylgt eftir með kærum.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.