Innlent

Maðurinn sem veifaði ekki sá eini sem brá sér upp á gígbarminn í dag

Tryggvi Páll Tryggvason skrifar
Maðurinn er lítill í samanburði við undur náttúrunnar.
Maðurinn er lítill í samanburði við undur náttúrunnar. Þyrluþjónustan Helo

Svo virðist sem að það hafi verið nokkuð vinsælt að klifra upp á gígbarminn í Geldingadölum í dag. Myndir sýna tvo einstaklinga klifra upp gíginn síðdegis í dag.

Fyrr í dag birti Vísir myndskeið þar sem sjá má mann sem klöngrast hafði alla leið upp á gígbarminn. Myndbandið var tekið í dag úr þyrluferð Þyrluþjónustunnar Helo og sjá mátti umræddan klifurkappa veifa í myndavélina.

Inn í gula hringnum má sjá tvo einstaklinga.Þyrluþjónustan Helo

Fréttastofa hefur einnig fengið sendar myndir frá þyrluþjónustunni sem teknar voru í þyrluferð sem farin var seinna í dag, í annarri ferð en þeirri þar sem myndbandið náðist af veifandi klifurkappanum.

Þar má glögglega sjá tvö einstaklinga vera kominn langt áleiðis í að príla upp gígbarminn sem er í ríflega 330 metra hæð yfir sjávarmáli. Klöngrast þarf yfir nýtt hraun til að komast að gígnum.

Inn í gula hringnum má sjá tvo einstaklinga.Þyrluþjónustan Helo

Ítrekað hefur verið varað við hættunni sem fylgir því að ganga á hrauninu við eldgosið, sem legið hefur að mestu niðri frá 18. september síðastliðnum.

Eldgos í Fagradalsfjalli Eldgos og jarðhræringar Grindavík

Tengdar fréttir

Traðk, grjótkast og krot á hraunið ekki í lagi

Dæmi eru um að gestir sem heimsækja eldstöðvarnar í Geldingadölum heim kroti á hraunið. Einnig er töluvert um grjótkast en sérfræðingur hjá Umhverfisstofnun biðlar til gesta að sýna náttúrunni virðingu og ekki skemma ásýnd hennar fyrir öðrum gestum.

Mest lesið


Fleiri fréttir

Sjá meira


×

Mest lesið