Hættustigi aflétt í Útkinn

Tryggvi Páll Tryggvason skrifar 8. október 2021 14:31

Fjölmargar aurskriður féllu í Útkinn um helgina. Landhelgisgæsla Íslands

Ríkislögreglustjóri í samráði við lögreglustjóra hefur ákveðið að aflétta hættustigi sem verið hefur í gildi í Útkinn í Þingeyjarsveit vegna skriðuhættu.

Óvissustig er þó enn í gildi þar sem hreinsunarstarfi eftir mikið skriðufall á svæðinu er ekki lokið auk þess sem að vegurinn um svæðið er viðkvæmur.

Í tilkynningu frá lögreglunni á Norðurlandi eystra segir að ofanflóðavakt Veðurstofunnar telju ekki lengur ástæðu til viðbúnaðar vegna skriðuhættu í Útkinn. Góð veðurspá sé næstu daga.

Vegurinn um svæðið hefur verið opnaður fyrir almenna umferð en eru vegfarendur hvattir til að fara varlega, vegna viðkvæms ástands vegarins.

Þingeyjarsveit Lögreglumál Almannavarnir Veður

Tengdar fréttir

Aurskriðurnar í Útkinn: „Það er 3-0 fyrir náttúruna alls staðar“

„Það er 3-0 fyrir náttúruna alls staðar hérna,“ segir Bragi Kárason, bóndi á Nípá í Útkinn í Þingeyjarsveit, sem staddur var uppi í fjalli til að kanna aðstæður á rafstöð bæjarins þegar fréttastofa náði tali af honum.

6. október 2021 22:29

Aflétta rýmingu í Útkinn

Almannavarnir hafa aflétt rýmingu í Útkinn í Þingeyjarsveit og er íbúum þar nú heimilt að snúa heim til sín. Svæðið var rýmt um helgina vegna skriðuhættu. Enn er hættustig í gildi á svæðinu.

5. október 2021 19:30

Skriðuhætta fer minnkandi en áfram er óvissustig

Verulega hefur dregið úr skriðuhættu í Kinn í Þingeyjarsveit auk þess sem að ástandið hefur lagast í Útkinn. Rýmingu hefur verið aflétt í Kinn en beðið verður með að aflétta rýmingu í Útkinn.

5. október 2021 15:02

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.