Veður

Dá­lítil rigning syðst og stöku él norð­austan­til

Atli Ísleifsson skrifar
Hiti á landinu verður á bilinu núll til átta stig.
Hiti á landinu verður á bilinu núll til átta stig. Vísir/Vilhelm

Veðurstofan spáir norðaustlægri átt í dag, yfirleitt golu eða kalda og þurru veðri, en dálítilli rigningu syðst og stöku éljum norðaustantil.

Á vef Veðurstofunnar segir að hiti verði á bilinu núll til átta stig yfir daginn þar sem mildast verður sunnan heiða.

„Austan strekkingur við suðurströndina á morgun, annars hægari vindur. Víða bjartviðri vestan- og norðanlands, en lítilsháttar skúrir eða él á Austur- og Suðausturlandi. Vaxandi austanátt um kvöldið, hvasst á fimmtudag og talsverð rigning á landinu.“

Spákortið fyrir klukkan 14.Veðurstofan

Veðurhorfur á landinu næstu daga

Á miðvikudag: Austan 5-10 m/s, en 10-15 með S-ströndinni. Bjartviðri NV- og V-lands, annars skýjað en úrkomulítið. Hiti 0 til 7 stig. Vaxandi austanátt um kvöldið og fer að rigna S-til.

Á fimmtudag: Austan 15-23 og víða talsverð rigning, hiti 4 til 10 stig.

Á föstudag og laugardag: Suðaustan og austan 5-13 og rigning eða skúrir, en yfirleitt þurrt og bjart um landið NA-vert. Hiti breytist lítið.

Á sunnudag: Norðlæg átt og heldur kólnandi. Rigning eða slydda fram eftir degi N- og A-lands, annars úrkomulítið.

Á mánudag: Vestlæg átt, skýjað með köflum og smáskúrir eða slydduél V-til á landinu. Hiti 0 til 5 stig.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.