Bíll valt við Keilisbraut um klukkan tvö í nótt. Atvik voru þannig að ökumaðurinn hugðist snúa bifreið sinni við en bakkaði ofan í skurð með þeim afleiðingum að bíllinn valt. Tveir voru í bílnum og sluppu heilir á húfi en ökumaðurinn er grunaður um ölvun.
Nokkur umferðaróhöpp til viðbótar áttu sér stað í umdæmi lögreglunnar á Suðurnesjum en engin slys urðu á fólki.
Sjö voru kærðir fyrir of hraðan akstur en sá sem hraðast ók mældist á 133 km/klst þar sem hámarkshraðinn er 90 km/klst. Þá voru sex ökumenn stöðvaðir grunaður um vímuakstur.
Lögregla sinnti einnig útkalli í Njarðvík þar sem húsráðandi afhenti tvo poka af kannabisefnum til förgunar. Lögregla var upphaflega kölluð að húsnæðinu vegna annars máls en mikil kannabislykt var inni og reyndist húsráðandi hafa ofangreind efni í fórum sínum.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
Fleiri fréttir
Sjá meira
