Lífið

Helmingi finnst í lagi að slá sér upp með fleiri en einum í einu

Ása Ninna Pétursdóttir skrifar
Hefur þú farið á tvö til þrjú stefnumót í sömu vikunni, með mismunandi einstaklingum? 
Hefur þú farið á tvö til þrjú stefnumót í sömu vikunni, með mismunandi einstaklingum?  Getty

Stefnumótamarkaðurinn, ef markað skal kalla, getur verið flókinn. Hvar stöndum við í stefnumótamenningu á Íslandi? Eru þessar óskráðu reglur eitthvað að breytast? 

Á dögunum spurðu Makamál lesendur Vísis hvort að það væri í lagi að slá sér upp með fleiri en einum í einu og rúmlega þrjú þúsund manns svöruðu könnuninni. 

Hér áður fyrr var ekki mikið um það að fólk væri að hittast á hversdagslegum stefnumótum, ef svo má að orði komast. En með tilkomu samfélagsmiðla og stefnumótaappa er miklu meira um það að ókunnugt fólk sé farið að mæla sér mót á stefnumótum. 

Hvenær er alvara í spilunum og hvenær ekki? 

Það mætti kannski segja að í dag væri aðeins meiri hraði í stefnumótamenningunni en áður og radarinn vissulega stærri. 

En hvernig er það þá með lögmálin, hafa þau breyst? Er þá kannski í lagi að vera að hitta nokkrar manneskjur í einu, svona til að komast yfir allt þetta úrval?

Jón í kaffibolla í miðvikudegi og Gunna í bíó á laugardagskvöldi? 

Eins og sjá má á niðurstöðunum hér fyrir neðan þá segir rúmlega helmingur lesenda að það sé í lagi að vera að slá sér upp (vera að deita) með fleiri en einum í einu, þar til einhver alvara er komin í spilin. Þar höfum við það.

Samkvæmt þessu mætti samt ætla að lögmál stefnumótamenningarinnar á Íslandi sé aðeins að breytast, þó svo að sumir haldi því fram að við Íslendingar séum aftarlega á merinni í þessum efnum.

Könnunin var kynjaskipt að þessu sinni en athygli vakti að nær enginn munur var á svörum kynjanna. 

Niðurstöður*

Konur: 

Já, þar til einhver alvara er komin í spilin - 55%

Er ekki viss - 17%

Nei, aldrei - 28%

Karlar: 

Já, þar til einhver alvara er komin í spilin - 53%

Er ekki viss - 17%

Nei, aldrei - 30%

*Tekið skal fram að niðurstöður byggjast eingöngu á svörum lesenda Vísis og því ekki hægt að alhæfa um niðurstöður. Kannanir Makamála eru ætlaðar til skemmtunar og til að vekja umræðu og athygli á ýmsum málefnum.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.