Örvæntingin eykst á Haítí en stjórnvöld afþakka aðstoð Kjartan Kjartansson skrifar 19. ágúst 2021 09:20 Slasað fólk í biðröð eftir röntgenmyndatöku á sjúkrahúsinu í Les Cayes. Mikill skortur er á lækningatækjum á hamfarasvæðinu. AP/Fernando Llano Stjórnvöld á Haítí afþökkuðu aðstoð alþjóðlegra hjálparsamtaka vegna jarðskjálftans um helgina þrátt fyrir að erlendir hjálparstarfsmenn í landinu segi sjúkrahús á hamfarasvæðinu að mestu óstarfhæf og að skortur sé á lækningatækjum. Að minnsta kosti 2.189 manns eru nú látnir eftir jarðskjálfta upp á 7,2 sem reið yfir Haítí á laugardag. Fleiri en tólf þúsund manns til viðbótar eru slasaðir. Leitarflokkar héldu áfram að draga lík úr rústum bygginga og slasaða íbúa á afskekktum svæðum dreif að í borginni Les Cayes á hamfarasvæðinu í gær, að sögn AP-fréttastofunnar. Þúsundir manna eiga í engin hús að venda en hægt hefur gengið að koma neyðaraðstoð til þeirra. Ariel Henry, forsætisráðherra, hét því að endurtaka ekki mistök fortíðarinnar með óstjórn og skipulagsleysi í neyðaraðstoð. Vísaði hann þar til axarskafta í viðbrögðum stjórnvalda við jarðskjálftanum mikla árið 2010 en þau voru sökuð um að koma ekki allri þeirri aðstoð sem barst til nauðstaddra. Engu að síður afþakkaði stjórnin aðstoð hundruð sjálfboðaliða Project Medishare, erlendra hjálparsamtaka sem hafa starfað á Haítí um áratugaskeið, að sögn Barth Green, forseta og stofnanda samtakanna. Hann segist skynja að stjórnvöld séu vör um sig eftir slæma reynslu af utanaðkomandi aðstoð í fyrri hörmungum. Þrátt fyrir það ætli samtök hans að hjálpa ásamt fleiri samtökum. „Spítalarnir eru allir skemmdir og hrundir, skurðstofur eru ekki starfhæfar en ef þú setur upp tjöld þá er fellibyljatímabilið og þau geta fokið út í veður og vind,“ segir Green sem vonast til þess að Bandaríkjaher komi upp bráðabirgðaspítala á svæðinu. Drengur sem slasaðist í jarðskjálftanum á laugardag situr á sjúkrarúmi á sjúkrahúsi í Jeremie á Haítí.AP/Matias Delacroix Dreifðu mannfjölda við flugvöllinn þegar hjálpargögn bárust Vaxandi örvænting ríkir á meðal nauðstaddra á hamfarasvæðinu vegna þess hve hægt gengur að fá neyðargögn og aðstoð þangað. Fyrsta sendingin með hrísgrjón og matarpoka í tjaldbúðir í borginni Les Cayes hrökk ekki til að fæða hundruð manna sem hafa hafst þar við í fimm daga. Hópur fólks safnaðist saman við flugvöllinn í Les Cayes þegar flugvél með hjálpargögn lenti þar. Lögreglumenn skutu viðvörunarskotum til þess að dreifa hópi ungra karlmanna þegar vélin var affermd. Einhverjir þeirra heimilislausu í borginni kröfðust þess að fá segldúka til að geta komið sér upp tímabundnu skýli við rústir bygginga. Lík finnast enn í rústum húsa. Óeining ríkir um hvort að halda eigi áfram að leita að líkum eða byrja að hreinsa upp brakið.AP/Joseph Odelyn „Á að láta okkur deyja?“ Fréttaritarar breska ríkisútvarpsins BBC segja að ástandið sé enn verra í fjallaþorpum sem jarðskjálftinn skók. Í bænum Marceline norður af Les Cayes hrundu nær allar byggingar, þar á meðal heilsugæslustöð, skóli, tvær kirkjur og vúdúfélagsmiðstöð. Íbúar í Marceline hafa þurft að bjarga sér sjálfir. Ríkisstjórnin, hjálparstofnanir og alþjóðasamfélagið hafa heitið hjálp en ekkert bólar á henni ennþá. „Þarf ég að öskra til að ná athygli stjórnvalda eða á að láta okkur deyja?“ segir Margaret Maurice sem komst lífs af með átta börnum sínum þegar hús þeirra hrundi. Hún segist hafa séð vörubíla með hjálpargögn keyra fram hjá en sjálf sé hún að verða uppiskroppa með mat og vatn. Þrátt fyrir það voru ekki allir jafnheppnir og Maurice í Marceline. Marie Rose missti fimmtán ára gamlan son sinn þegar steypuklumpar og grjót féll á hann í jarðskjálftanum. „Ég veit ekki hvað ég á að gera. Ég er með bolinn hans vafðan um mitti mitt til þess að gefa mér styrk,“ segir hún við BBC. Pólitísk upplausn hefur ríkt á Haítí en forseti landsins var myrtur í júlí. Nú óttast fólk að fleiri kunni að láta lífið eftir jarðskjálftann vegna skorts á hjálpargögnum sem ríkisstjórnin er ekki fær um að útvega litlum þorpum eins og Marceline. Haítí Náttúruhamfarir Tengdar fréttir Stormur í kjölfar jarðskjálfta Hitabeltisstormurinn Grace skall á Haítí í gærkvöldi aðeins tveimur dögum eftir öflugan jarðskjálfta sem kostað hefur rúmlega fjórtán hundruð manns lífið. Um sex þúsund manns slösuðust og þúsundir bygginga eyðilögðust. 17. ágúst 2021 06:34 Í kapphlaupi við tímann að ná til nauðstaddra Hjálparstarfsmenn etja nú kapphlaup við tímann til að ná til nauðstaddra eftir jarðskjálftann mikla á Haíti áður en hitabeltisstormur gengur á land í kvöld. Forsætisráðherra landsins segir engan tíma mega missa. 16. ágúst 2021 14:47 Gríðarleg eyðilegging á Haítí Að minnsta kosti sjö látnir. 5. október 2016 08:55 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Meinleysisgrey sem séu lífríkinu afar mikilvæg Innlent Fico ekki talinn í lífshættu Erlent Um 800 börn bíða eftir leikskólaplássi í Reykjavík Innlent Sjö smáskjálftar við Sýlingarfell og Veðurstofan fylgist vel með Innlent Forsetavaktin 2024: Hver verður sjöundi forseti lýðveldisins? Innlent „Þetta reddast“ voru fyrstu orðin sem hann lærði Innlent „Heill vinnustaður er dreginn sundur og saman í háði“ Innlent Segir seinlæti First Water stórfurðulegt Innlent Hundrað milljarða fjárfesting í uppnámi Innlent Gjörbreytt bílpróf en segja hvergi slegið af kröfum Innlent Fleiri fréttir Fico ekki talinn í lífshættu Þróun ES-30 flugvélarinnar flutt frá Svíþjóð til Kaliforníu Þetta er vitað um árásarmanninn Biden skorar á Trump Forsætisráðherra Slóvakíu í lífshættu eftir skotárás Þverpólitískar tillögur um viðbrögð vegna gervigreindar FIFA byrjað að vinda ofan af umbótum eftir spillingarhneykslið Fulltrúar Talíbana á ráðstefnu í Ósló Fyrsta opinbera málverkið af konunginum Karli III afhjúpað í gær Gróðureldar ógna olíuvinnslumiðstöð í Kanada Gríðarleg leit gerð að mönnum sem frelsuðu fanga í Frakklandi Skriðdrekar Ísraelshers komnir inn í íbúðahverfi í Rafah Framámaður AfD sektaður fyrir að nota slagorð nasista Vill bjóða NATO að byggja nýjan flugvöll í Færeyjum Þorir að veðja bjór á að hún verði áfram forsætisráðherra Lokað á grein um barnadráp í Bretlandi Drápu fangaverði og hjálpuðu fanga að strjúka „Rússnesku lögin“ samþykkt í Georgíu Bendlaði Trump beint við þagnargreiðslurnar Losnar af réttargeðdeild eftir allt saman Blinken í óvænta heimsókn til Kænugarðs Megrunarlyfin nýjasta vopnið gegn hjartasjúkdómum? Fjöldi látinna á Gasa á reiki Færeyingar fjölga vindmyllum til að draga úr olíukyndingu Ein blóðugasta kosningabarátta í manna minnum „Rússneskum lögum“ hraðað áfram þrátt fyrir hávær mótmæli Þrír menn ákærðir í Bretlandi vegna tengsla sinna við Hong Kong Staðfestir flokkun AfD sem öfgasamtaka Sló eigið met á Everest Kórónuveirufaraldurinn ekkert miðað við sýklalyfjaónæmi Sjá meira
Að minnsta kosti 2.189 manns eru nú látnir eftir jarðskjálfta upp á 7,2 sem reið yfir Haítí á laugardag. Fleiri en tólf þúsund manns til viðbótar eru slasaðir. Leitarflokkar héldu áfram að draga lík úr rústum bygginga og slasaða íbúa á afskekktum svæðum dreif að í borginni Les Cayes á hamfarasvæðinu í gær, að sögn AP-fréttastofunnar. Þúsundir manna eiga í engin hús að venda en hægt hefur gengið að koma neyðaraðstoð til þeirra. Ariel Henry, forsætisráðherra, hét því að endurtaka ekki mistök fortíðarinnar með óstjórn og skipulagsleysi í neyðaraðstoð. Vísaði hann þar til axarskafta í viðbrögðum stjórnvalda við jarðskjálftanum mikla árið 2010 en þau voru sökuð um að koma ekki allri þeirri aðstoð sem barst til nauðstaddra. Engu að síður afþakkaði stjórnin aðstoð hundruð sjálfboðaliða Project Medishare, erlendra hjálparsamtaka sem hafa starfað á Haítí um áratugaskeið, að sögn Barth Green, forseta og stofnanda samtakanna. Hann segist skynja að stjórnvöld séu vör um sig eftir slæma reynslu af utanaðkomandi aðstoð í fyrri hörmungum. Þrátt fyrir það ætli samtök hans að hjálpa ásamt fleiri samtökum. „Spítalarnir eru allir skemmdir og hrundir, skurðstofur eru ekki starfhæfar en ef þú setur upp tjöld þá er fellibyljatímabilið og þau geta fokið út í veður og vind,“ segir Green sem vonast til þess að Bandaríkjaher komi upp bráðabirgðaspítala á svæðinu. Drengur sem slasaðist í jarðskjálftanum á laugardag situr á sjúkrarúmi á sjúkrahúsi í Jeremie á Haítí.AP/Matias Delacroix Dreifðu mannfjölda við flugvöllinn þegar hjálpargögn bárust Vaxandi örvænting ríkir á meðal nauðstaddra á hamfarasvæðinu vegna þess hve hægt gengur að fá neyðargögn og aðstoð þangað. Fyrsta sendingin með hrísgrjón og matarpoka í tjaldbúðir í borginni Les Cayes hrökk ekki til að fæða hundruð manna sem hafa hafst þar við í fimm daga. Hópur fólks safnaðist saman við flugvöllinn í Les Cayes þegar flugvél með hjálpargögn lenti þar. Lögreglumenn skutu viðvörunarskotum til þess að dreifa hópi ungra karlmanna þegar vélin var affermd. Einhverjir þeirra heimilislausu í borginni kröfðust þess að fá segldúka til að geta komið sér upp tímabundnu skýli við rústir bygginga. Lík finnast enn í rústum húsa. Óeining ríkir um hvort að halda eigi áfram að leita að líkum eða byrja að hreinsa upp brakið.AP/Joseph Odelyn „Á að láta okkur deyja?“ Fréttaritarar breska ríkisútvarpsins BBC segja að ástandið sé enn verra í fjallaþorpum sem jarðskjálftinn skók. Í bænum Marceline norður af Les Cayes hrundu nær allar byggingar, þar á meðal heilsugæslustöð, skóli, tvær kirkjur og vúdúfélagsmiðstöð. Íbúar í Marceline hafa þurft að bjarga sér sjálfir. Ríkisstjórnin, hjálparstofnanir og alþjóðasamfélagið hafa heitið hjálp en ekkert bólar á henni ennþá. „Þarf ég að öskra til að ná athygli stjórnvalda eða á að láta okkur deyja?“ segir Margaret Maurice sem komst lífs af með átta börnum sínum þegar hús þeirra hrundi. Hún segist hafa séð vörubíla með hjálpargögn keyra fram hjá en sjálf sé hún að verða uppiskroppa með mat og vatn. Þrátt fyrir það voru ekki allir jafnheppnir og Maurice í Marceline. Marie Rose missti fimmtán ára gamlan son sinn þegar steypuklumpar og grjót féll á hann í jarðskjálftanum. „Ég veit ekki hvað ég á að gera. Ég er með bolinn hans vafðan um mitti mitt til þess að gefa mér styrk,“ segir hún við BBC. Pólitísk upplausn hefur ríkt á Haítí en forseti landsins var myrtur í júlí. Nú óttast fólk að fleiri kunni að láta lífið eftir jarðskjálftann vegna skorts á hjálpargögnum sem ríkisstjórnin er ekki fær um að útvega litlum þorpum eins og Marceline.
Haítí Náttúruhamfarir Tengdar fréttir Stormur í kjölfar jarðskjálfta Hitabeltisstormurinn Grace skall á Haítí í gærkvöldi aðeins tveimur dögum eftir öflugan jarðskjálfta sem kostað hefur rúmlega fjórtán hundruð manns lífið. Um sex þúsund manns slösuðust og þúsundir bygginga eyðilögðust. 17. ágúst 2021 06:34 Í kapphlaupi við tímann að ná til nauðstaddra Hjálparstarfsmenn etja nú kapphlaup við tímann til að ná til nauðstaddra eftir jarðskjálftann mikla á Haíti áður en hitabeltisstormur gengur á land í kvöld. Forsætisráðherra landsins segir engan tíma mega missa. 16. ágúst 2021 14:47 Gríðarleg eyðilegging á Haítí Að minnsta kosti sjö látnir. 5. október 2016 08:55 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Meinleysisgrey sem séu lífríkinu afar mikilvæg Innlent Fico ekki talinn í lífshættu Erlent Um 800 börn bíða eftir leikskólaplássi í Reykjavík Innlent Sjö smáskjálftar við Sýlingarfell og Veðurstofan fylgist vel með Innlent Forsetavaktin 2024: Hver verður sjöundi forseti lýðveldisins? Innlent „Þetta reddast“ voru fyrstu orðin sem hann lærði Innlent „Heill vinnustaður er dreginn sundur og saman í háði“ Innlent Segir seinlæti First Water stórfurðulegt Innlent Hundrað milljarða fjárfesting í uppnámi Innlent Gjörbreytt bílpróf en segja hvergi slegið af kröfum Innlent Fleiri fréttir Fico ekki talinn í lífshættu Þróun ES-30 flugvélarinnar flutt frá Svíþjóð til Kaliforníu Þetta er vitað um árásarmanninn Biden skorar á Trump Forsætisráðherra Slóvakíu í lífshættu eftir skotárás Þverpólitískar tillögur um viðbrögð vegna gervigreindar FIFA byrjað að vinda ofan af umbótum eftir spillingarhneykslið Fulltrúar Talíbana á ráðstefnu í Ósló Fyrsta opinbera málverkið af konunginum Karli III afhjúpað í gær Gróðureldar ógna olíuvinnslumiðstöð í Kanada Gríðarleg leit gerð að mönnum sem frelsuðu fanga í Frakklandi Skriðdrekar Ísraelshers komnir inn í íbúðahverfi í Rafah Framámaður AfD sektaður fyrir að nota slagorð nasista Vill bjóða NATO að byggja nýjan flugvöll í Færeyjum Þorir að veðja bjór á að hún verði áfram forsætisráðherra Lokað á grein um barnadráp í Bretlandi Drápu fangaverði og hjálpuðu fanga að strjúka „Rússnesku lögin“ samþykkt í Georgíu Bendlaði Trump beint við þagnargreiðslurnar Losnar af réttargeðdeild eftir allt saman Blinken í óvænta heimsókn til Kænugarðs Megrunarlyfin nýjasta vopnið gegn hjartasjúkdómum? Fjöldi látinna á Gasa á reiki Færeyingar fjölga vindmyllum til að draga úr olíukyndingu Ein blóðugasta kosningabarátta í manna minnum „Rússneskum lögum“ hraðað áfram þrátt fyrir hávær mótmæli Þrír menn ákærðir í Bretlandi vegna tengsla sinna við Hong Kong Staðfestir flokkun AfD sem öfgasamtaka Sló eigið met á Everest Kórónuveirufaraldurinn ekkert miðað við sýklalyfjaónæmi Sjá meira
Stormur í kjölfar jarðskjálfta Hitabeltisstormurinn Grace skall á Haítí í gærkvöldi aðeins tveimur dögum eftir öflugan jarðskjálfta sem kostað hefur rúmlega fjórtán hundruð manns lífið. Um sex þúsund manns slösuðust og þúsundir bygginga eyðilögðust. 17. ágúst 2021 06:34
Í kapphlaupi við tímann að ná til nauðstaddra Hjálparstarfsmenn etja nú kapphlaup við tímann til að ná til nauðstaddra eftir jarðskjálftann mikla á Haíti áður en hitabeltisstormur gengur á land í kvöld. Forsætisráðherra landsins segir engan tíma mega missa. 16. ágúst 2021 14:47