Sólveig Anna býður sig fram til Alþingis fyrir sósíalista

Í öðru sæti er Laufey Líndal Ólafsdóttir, stjórnmálafræðingur og grasrótaraktivisti. Í þriðja sæti er Atli Gíslason, tölvunarfræðingur og formaður ungra sósíalista.

„Eins og sést á lista flokksins í Reykjavík er Sósíalistaflokkurinn breiður flokkur sem endurspeglar vel almenning,“ segir Gunnar Smári. „Það er ljúfur heiður að fá að leiða þessa fylkingu baráttufólks. Þarna er fólk sem hefur þegar sett mark sitt á umræðuna, hefur í raun leitt samfélagsumræðuna undanfarin ár, en líka fólk sem mun verða áberandi á næstu vikum, mánuðum og árum, jafnvel áratugum. Listinn ber með sér að það hreyfing að verða til.“

„Ég trúi því að efnahagslegt réttlæti sé það mikilvægasta sem við berjumst fyrir,“ segir Sólveig Anna Jónsdóttir, sem er í fjórða sæti listans. Í tilkynningu flokksins segir að hún sé menntuð í skóla lífsins og að hún hafi frá árinu 2008 tekið þátt í baráttunni fyrir efnahagslegu réttlæti. Hún sé sósíalískur femínisti og and-heimsvaldasinni. Hún viti að raunverulegur jöfnuður sé lykillinn að mannsæmandi framtíð.

Listi Sósíalistaflokks Íslands í Reykjavíkurkjördæmi norður í heild sinni:

1. Gunnar Smári Egilsson, atvinnulaus blaðamaður 
2. Laufey Líndal Ólafsdóttir, námsmaður í hléi
3. Atli Gíslason, tölvunarfræðingur 
4. Sólveig Anna Jónsdóttir, formaður Eflingar
5. Oddný Eir Ævarsdóttir, rithöfundur 
6. Bogi Reynisson, tæknimaður
7. Kristbjörg Eva Andersen Ramos, námsmaður 
8. Ævar Þór Magnússon, verkstjóri
9. Geirdís Hanna Kristjánsdóttir, öryrki 
10. Guttormur Þorsteinsson, bókavörður og formaður Samtaka hernaðarandstæðinga
11. Sanna Magdalena Mörtudóttir, borgarfulltrúi 
12. Atli Antonsson, doktorsnemi
13. Ævar Uggason, bóksali 
14. Jóna Guðbjörg Torfadóttir, kennari
15. Bjarki Steinn Bragason, skólaliði 
16. Nancy Coumba Koné, danskennari
17. Jökull Sólberg Auðunsson, ráðgjafi 
18. Birgitta Jónsdóttir, þingskáld
19. Sigurður Gunnarsson, ljósmyndari
20.  Þorvarður Bergmann Kjartansson, tölvunarfræðingur
21. Ísabella Lena Borgarsdóttir, námsmaður María Kristjánsdóttir, leikstjóri