Innlent

Enn langt í að jafnrétti verði náð að fullu

Sunna Karen Sigurþórsdóttir skrifar
Konur fengu í fyrsta sinn að kjósa og kjörgengi til Alþingis árið 1915.
Konur fengu í fyrsta sinn að kjósa og kjörgengi til Alþingis árið 1915. Vísir/Vilhelm

Hundrað og fimm ár eru í dag frá því að konur fengu kosningarétt á Íslandi. Formaður Kvenréttindafélags Íslands segir mikilvægt að fagna þessum degi en bendir á að enn sé langt í að jafnrétti sé að fullu náð.

Konur fjörutíu ára og eldri fengu kosningarétt og kjörgengi til Alþingis á þessum degi, 19. júní, árið 1915. Þá hafði baráttan staðið yfir frá 1885 en varð loks að veruleika þegar Kristján tíundi, þáverandi Danakonungur, undirritaði lög um breytingu á stjórnarskrá. Tímamótunum var fagnað í fyrsta sinn á þessum degi árið 1916 og hefur verið haldinn hátíðlegur allar götur síðan.

„Það er mikilvægt að halda upp á þennan dag og fagna því sem konur á Íslandi hafa áorkað í gegnum tíðina og í sinni baráttu. Dagurinn er mikilvægur af því að á þessum degi fengu konur 40 ára og eldri kosningarétt 1915 og þess vegna er mikilvægt að minnast þess en líka að vekja athygli á því að enn er langt í land í að jafnréttinu sé náð að fullu,” segir Tatjana Latinovic, formaður Kvenréttindafélags Íslands.

Allir eigi jafnan rétt í samfélaginu.

„Það þarf að taka tillit til allra sem í þessu þjóðfélagi búa, til þeirra þarfa og stöðu, og passa upp á allar aðgerðir í átt að jafnrétti taki tillit til fjölbreytileika samfélagsins,” segir hún.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.