Innlent

Þrjár líkams­á­rásir til­kynntar til lög­reglu í nótt

Hallgerður Kolbrún E. Jónsdóttir skrifar
Þrjár líkamsárásir voru tilkynntar til lögreglu í nótt og gærkvöldi. 
Þrjár líkamsárásir voru tilkynntar til lögreglu í nótt og gærkvöldi.  Vísir/Vilhelm

Þrjár líkamsárásir voru tilkynntar til lögreglu í nótt og gærkvöldi. Þær gerðust allar í miðbænum og tvær fyrir utan skemmtistaði í hverfinu. Í tveimur árásanna voru grunaðir handteknir og vistaðir í fangaklefa í þágu rannsóknarinnar. Þetta kemur fram í dagbók lögreglu.

Tilkynnt var um umferðaróhapp í Austurbæ Reykjavíkur og að ökumaður annarrar bifreiðarinnar hefði ekið af vettvangi án þess að gera viðeigandi ráðstafanir. Bílinn var stöðvaður stuttu seinna og er ökumaðurinn grunaður um akstur undir áhrifum áfengis. Hann verður vistaður í fangaklefa þar til rennur af honum og hægt er að taka af honum skýrslu.

Sex ökumenn voru stöðvaðir vegna gruns um akstur undir áhrifum áfengis og/eða fíkniefna. Þá var tilkynnt um eld í bifreið í Kópavogi og tvö umferðaróhöpp, annars vegar í Kópavogi og hins vegar í Árbæ.

Lögreglumál Reykjavík

Mest lesið


Fleiri fréttir

Sjá meira


×

Mest lesið