Belgar ekki í neinum vand­ræðum í Rúss­landi

Runólfur Trausti Þórhallsson skrifar
Leikmenn Belgíu fagna þriðja marki sínu í kvöld.
Leikmenn Belgíu fagna þriðja marki sínu í kvöld. EPA-EFE/Dmitry Lovetsky

Belgía hóf Evrópumótið í knattspyrnu með þægilegum 3-0 sigri á Rússlandi er liðin mættust í Sankti Pétursborg í kvöld.

Fyrr í dag vann Finnland óvæntan 1-0 sigur á Danmörku er B-riðill EM fór af stað. Úrslit leiksins þó hálfgert aukaatriði eftir það sem kom fyrr Christian Eriksen undir lok fyrri hálfleiks. Sem betur fer er Eriksen heill á húfi og með meðvitund.

Í Rússlandi tóku heimamenn á móti toppliði heimslista FIFA, Belgíu. Það tók gestina aðeins tíu mínútur að komast yfir. Að sjálfsögðu var það Romelu Lukaku sem kom liðinu yfir með marki á tíundu mínútu leiksins.

Lukaku fagnaði með því að hlaupa að myndavélinni, kyssa hana og segja liðsfélaga sínum Eriksen að hann elskaði hann.

Varamaðurinn Thomas Meunier kom Belgíu í 2-0 á 34. mínútu og staðan 2-0 í hálfleik. Það stefndi í að leikurinn myndi enda 2-0 þegar Meunier stakk boltanum inn fyrir vörn heimamanna á Lukaku undir lok leiks.

Framherjanum brást ekki bogalistin. Skoraði hann annað mark sitt og þriðja mark Belga, lokatölur 3-0 og Belgía komið á toppinn.


EM 2020 verður sýnt á Stöð 2 Sport EM 2020 sem er hluti af Sportpakkanum, Stóra pakkanum og Risapakkanum. EM 2020 verður einnig hægt að kaupa stakt á kr. 6.990 en fyrir viðskiptavini með aðra áskrift en ofangreindar frá Stöð 2 kostar áskriftin kr. 3.990.


Tengdar fréttir

Þjálfari Dan­merkur: Fengum tvo val­mögu­leika

Kasper Hjulmand, þjálfar danska landsliðsins í knattspyrnu, sagði eftir 0-1 tapið gegn Finnlandi í dag að liðið hafi fengið tvo valmöguleika eftir að Christian Eriksen hné niður undir lok fyrri hálfleiks.

Hetjan Simon Kjær

Simon Kjær, fyrirliði Dana, sýndi mikla yfirvegun og í raun hetjudáð er Christian Eriksen, liðsfélagi hans, hné niður og missti meðvitund í leik Danmerkur og Finnlands á Parken fyrr í dag.

Stuðnings­yfir­lýsingum rignir yfir Erik­sen

Christian Eriksen, leikmaður danska landsliðsins sem hneig niður í leik Danmerkur og Finnlands á Evrópumótinu í dag, er með meðvitund og getur talað. Hann er nú staddur á ríkissjúkrahúsinu í Kaupmannahöfn.

Leikur Danmerkur og Finnlands kláraður í kvöld

Leikur Danmerkur og Finnlands á Parken í Kaupmannahöfn var frestað eftir að Christian Eriksen, leikmaður Danmerkur, hneig niður undir lok fyrri hálfleiks. Leikurinn verður kláraður í kvöld. Hefst hann að nýju klukkan 18.30.

Bein lýsing

Leikirnir






    Fleiri fréttir

    Sjá meira