Íslenski boltinn

Sindri fer á heimavöll bikarmeistaranna og nýtt uppgjör liðanna sem léku síðast í úrslitum

Óskar Ófeigur Jónsson skrifar
Selfosskonur unnu bikarinn sumarið 2019 og enginn hefur unnið hann síðan.
Selfosskonur unnu bikarinn sumarið 2019 og enginn hefur unnið hann síðan. Vísir/Vilhelm

Dregið var í Mjólkurbikar karla og kvenna í fótbolta í hádeginu í stúdíói hjá Stöð 2 á Suðurlandsbraut.

Sýnt var beint frá bikardrættinum á bæði Vísi og Stöð 2 en það var verið að draga í 32 liða úrslit karla og í 16 liða úrslit kvenna.

Ríkjandi bikarmeistarar karla frá árinu 2019, Víkingar úr Reykjavík, höfðu heppnina með sér og fengu heimaleik gegn Sindra frá Hornafirði sem leikur í 3. deild.

Í 16-liða úrslitum kvenna mætast liðin sem léku síðasta bikarúrslitaleik, bikarmeistarar Selfoss og KR sem nú leikur í næstefstu deild.

Þrír úrvalsdeildarslagir eru á dagskrá hjá konunum. Íslandsmeistarar Breiðabliks fá Tindastól í heimsókn, Stjarnan og ÍBV mætast í Garðabæ, og Fylkir og Keflavík mætast í Árbæ. 

Íslandsmeistarar Vals fara hins vegar til Húsavíkur og mæta 2. deildarliði Völsungs, og Þróttarar mæta hinu 2. deildarliðinu í keppninni, sameinuðu liði Fjarðabyggðar, Hattar og Leiknis Fáskrúðsfirði.

16-liða úrslit kvenna

  • Fjarðabyggð/Höttur/Leiknir F. - Þróttur R.
  • FH - Þór/KA
  • Fylkir - Keflavík
  • KR - Selfoss
  • Völsungur - Valur
  • Stjarnan - ÍBV
  • Breiðablik - Tindastóll
  • Grindavík - Afturelding

Leiknirnir fara fram 31. maí og 1. júní.

Í 32-liða úrslitum karla verður úrvalsdeildarslagur á Hlíðarenda þar sem Leiknismenn koma í heimsókn. Keflavík tekur á móti Breiðabliki og Stjarnan mætir KA í tveimur öðrum uppgjörum úrvalsdeildarliða.

Eina 4. deildarliðið sem enn er með í keppninni, Úlfarnir, er á leið í slag við úrvalsdeildarlið Fylkis í Árbænum.

32-liða úrslit karla

  • ÍA - Fram
  • KF - Haukar
  • FH - Njarðvík
  • HK - Grótta
  • ÍR - ÍBV
  • KFS - Víkingur Ó.
  • Kári - KR
  • Valur - Leiknir R.
  • Völsungur - Leiknir F.
  • Keflavík - Breiðablik
  • Stjarnan - KA
  • Víkingur R. - Sindri
  • Fylkir - Úlfarnir
  • Augnablik - Fjölnir
  • Þór - Grindavík
  • Afturelding - Vestri

Leikirnir fara fram dagana 22.-24. júní.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.