Lögreglan á höfuðborgarsvæðinu hafði í gærkvöldi afskipti af ökumanni bifreiðar sem lék sér að því að spóla á bílastæðum við Bessastaðastofu. Samkvæmt lögreglu mátti ítrekað litlu muna að ökumaðurinn velti bifreiðinni með athæfi sínu.
Farþegi í bifreiðinni stóð fyrir utan og myndaði félagann.
Ökumaðurinn var handtekinn og er grunaður um ölvun við akstur og ítrekaðan akstur sviptur ökuréttindum. Hann var látinn laus að lokinni upplýsinga- og sýnatöku.
Um kl. 21 var tilkynnt um innbrot og þjófnað í geymslu íbúðarhúsnæðis í miðbænum en ekki tiltekið hverju var stolið. Þá var maður handtekinn í póstnúmeri 105, grunaður um vörslu og sölu fíkniefna. Hann var vistaður í fangageymslum vegna rannsóknar málsins.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
Fleiri fréttir
Sjá meira
