Óskað var eftir aðstoð lögreglunnar á höfuðborgarsvæðinu í verslun í Hlíðahverfi í Reykjavík á fimmta tímanum í dag. Eftir því sem fram kemur í dagbók lögreglu neitaði viðskiptavinur að virða grímuskyldu. Hann var þó haldinn sína leið þegar lögregla mætti á svæðið.
Í dagbók lögreglu yfir helstu tíðindi frá klukkan ellefu í morgun til fimm í dag eru þá tvær færslur sem snúa að akstri undir áhrifum. Klukkan hálf tólf var ökumaður stöðvaður í Kópavogi grunaður um akstur undir áhrifum fíkniefna. Sá reyndist án ökuréttinda og á ótryggðri bifreið.
Þá var bifreið stöðvuð í vesturbæ Reykjavíkur á fimmta tímanum. Ökumaður hennar var grunaður um akstur undir áhrifum fíkniefna og reyndist bílprófslaus eftir fyrri afskipti lögreglu af honum.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
Fleiri fréttir
Sjá meira
