Innlent

Tekinn í fimmta sinn án gildra réttinda

Samúel Karl Ólason skrifar
Maður var handtekinn vegna líkamsárásar í miðbænum.
Maður var handtekinn vegna líkamsárásar í miðbænum. Vísir/vilhelm

Þrjár tilkynningar bárust lögreglu um þjófnað í verslun á höfuðborgarsvæðinu í gærkvöldið og í nótt. Þá var mikið um ökumenn sem stöðvaðir voru vegna gruns um að þeir væru að aka undir áhrifum áfengis eða fíkniefna.

Fyrsta tilkynningin um þjófnað barst klukkan tíu í gærkvöldi, samkvæmt dagbók lögreglu, sú næsta skömmu fyrir klukkan tvö í nótt og sú þriðja skömmu fyrir þrjú. Í fyrstu tvö skiptin var bæði um tvo aðila að ræða. Það er að segja að lögreglan var kölluð til í tvö skipti vegna fjögurra þjófa.

Í þriðja skiptið var þjófurinn meinti í tökum öryggisvarða. Lögreglunni barst svo einnig tilkynning um þjófnað í annarri verslun í Garðabæ skömmu fyrir miðnætti.

Þá var maður handtekinn í miðbænum í gærkvöldi vegna líkamsárásar og var hann vistaður í fangageymslu.

Lögreglan handtók einnig mann í annarlegu ástandi á heimili í Hafnarfirði sem er grunaður um eignaspjöll og brot á barnaverndarlögum. Hann var vistaður í fangageymslu og segir lögreglan að málið sé unnið með Barnavernd.

Þrír bílar voru stöðvaðir í Breiðholti í nótt þar sem ökumenn reyndust án ökuréttinda. Tveir þeirra höfðu verið sviptir þeim og einn var ekki með gild réttindi. Þetta var í fimmta sinn sem sá síðastnefndi er gómaður við akstur án gildra réttinda.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.