Wenger: Áhætta sem borgaði sig ekki

„Við tókum áhættu sem borgaði sig ekki. Þetta voru mistök," segir Arsene Wenger knattspyrnustjóri Arsenal sem ákvað að láta William Gallas spila gegn Barcelona í Meistaradeildinni.

Gallas hefur átt við meiðsli á kálfa að stríða en ákveðið var að láta hann spila gegn Börsungum þrátt fyrir að hann hafi ekki verið tilbúinn í slaginn. Hann var svo borinn af velli á börum.

Tímabilinu er líklega lokið hjá Gallas. „Það er enn smá möguleiki á að hann gæti spilað aftur áður en tímabilinu lýkur. Ef við komumst í úrslit Meistaradeildarinnar gæti hann verið tilbúinn fyrir þann leik," segir Wenger.