Jón Jónsson hefur það gott í Katar

Tónlistarmaðurinn Jón Jónsson lifir sannkölluðu rokkstjörnulífi í Katar um þessar mundir en hann dvelur þar í tengslum við HM í handbolta sem hefst þar í landi í þessari viku.

Jón hefur verið duglegur að sýna þeim sem fylgja honum á SnapChat hverslags vellystingum hann lifir þar ytra, en Jón er einn þeirra tuttuga fjögurra tónlistarmanna sem taka þátt í flutningi á lagi mótsins. Hvert þáttökuland í keppninni á fulltrúa sem tekur þátt í flutningi lagsins.

Jón dvelur þar ytra ásamt fjölskyldu sinni og dvelur á St. Regis hótelinu í Doha, höfuðborg Katar.

Í frétt Nútímans kemur fram að Jón, og hinir tónlistarmennirnir 23 sem taka þátt í laginu, séu með einkabílstjóra á meðan dvöl þeirra stendur. Þar er einnig vísað í SnapChat sendingu frá Jóni þar sem hann sýndi þeim sem honum fylgja að hann mátti velja úr tíu mismuandi koddum til að sofa á.

Jón segir í einu myndbandinu sem hann sendi fylgjendum sínum að svítan sem hann gisti á sé stærri en íbúðin hans.

Jón hefur einnig birt mynd af sér á Instagram:

 

Skellti mér í eyðimörkina í dag. Meira á Snapchat: jonjonssonmusic #káttíKatar Spent the day in the desert. More on Snapchat: jonjonssonmusic

A photo posted by Jon Jonsson (@jonjonssonmusic) on Jan 10, 2015 at 8:07am PST

Á vefnum Trip Adivsor kemur fram að hótelið sem Jón og fjölskylda gista á er talið 17. besta hótelið í Doha, af 120. Hótelð fær fjóra og hálfa af fimm stjörnum í staðsetningu, herbergjum, hreinlæti, þjónustu og hversu vel gestir segjast sofa þar. Hótelið skorar lægst í þeim flokki sem snýr að verði, en gestir hótelsins telja sig ekki fá nægilega mikið fyrir peninginn þegar þeir gista þarna, sem ætti ekki að vera vandamál fyrir Jón, því hann er þarna í boði mótshaldara.

Staðurinn fær góða einkunn frá fjölskyldufólki, 64 fjölskyldur af 94 gefa staðnum hæstu mögulegu einkunn.

Ódýrustu herbergin í hótelinu kosta yfir 50 þúsund krónur nóttina, en dýrustu svíturnar kosta yfir 130 þúsund krónur nóttina.