Poulsen: Ég get líka spilað teknískan fótbolta

Christian Poulsen, nýjasti leikmaður Liverpool, segist vonast til þess að halda áfram að spila vel undir stjórn Roy Hodgson. Poulsen spilaði með FC Kaupmannahöfn þegar Hodgson stýrði liðinu í byrjun aldarinnar.





"Ég spilaði í tvö góð ár undir stjórn hans og vonandi heldur það áfram. Ég vona að hann verði ánægður með það sem ég geri," sagði Poulsen á opinberri heimasíðu Liverpool.





"Roy þurfti ekki að gera mikið til að sannfæra mig til að koma af því Liverpool er þekkt um allan heim, og fyrir fólki í Danmörku er það stærsti klúbburinn á Englandi," sagði miðjumaðurinn.



Hann hefur oft verið gagnrýndur fyrir glórulausar tæklingar og rauð spjöld.

Hér má sjá eitt þeirra í landsleik Dana og Svía sem var flautaður af í kjölfarið. Þá réðst reiður Dani á dómarann sem dæmdi Svíum þar með sigur.





"Ég get líka spilað teknískan bolta. Ég lít á sjálfan mig sem mann sem reynir að spila fótbolta en ég get líka látið finna fyrir mér," segir Poulsen.