Sleppt úr haldi

Réttarhöldunum er ætlað að skýra hvaða starfsmaður ríkisstjórnar George W. Bush Bandaríkjaforseta upplýsti um nafn leyniþjónustumannsins Valerie Plame en eiginmaður hennar hafði gagnrýnt rökstuðning stjórnarinnar fyrir innrásinni í Írak. Hefur nafn Karls Rove, helsta ráðgjafa Bush, einkum verið nefnt í því sambandi.. Miller sagði Libby nýverið hafa leyst sig frá loforði um þagmælsku og leyft að gefa hann upp sem heimildarmann sinn, en lögmaður Libbys sagði í gær að skjólstæðingur sinn hefði gefið það leyfi fyrir rúmu ári síðan, og sagðist hafa haldið að hún sæti í fangelsi því hún neitaði að gefa upp einhverja aðra heimildarmenn. Þó að fleiri blaðamenn hafi verið yfirheyrðir vegna greina sem birtust í blaðinu um innrásina í Írak, þá var Miller eini blaðamaðurinn sem varpað var í fangelsi. Hún skrifaði engar greinar um Plame.