Sir Alex: Er ekki að taka neina áhættu með Rooney

Nú stendur yfir leikur Manchester United og FC Bayern í Meistaradeildinni. Wayne Rooney hefur jafnað sig af meiðslum undrafljótt og er í liði United.

Rétt fyrir leikinn tjáði Sir Alex Ferguson sig um Rooney og meiðsli hans.

„Meiðslin voru ekki alvarleg og og hann var ekki klár á laugardaginn. Þróunin síðustu tvo daga hefur hinsvegar verið ótrúleg. Í gærkvöldi stóð hann sig vel á æfingu. Eftir að ég fylgdist með þessari æfingu gerði ég upp hug minn," sagði Ferguson. „Það er ekki verið að taka neina áhættu. Liðböndin eru ekkert sködduð, þetta var bara smávægilegt."