Eldur kom upp í bíl sem stóð inni á verkstæði sem jafnframt er íbúðarhús í Reykjanesbæ í nótt. Slökkviliðsmenn fengu tilkynningu um eldinn skömmu eftir klukkan þrjú í nótt og héldu þegar á vettvang.
Ásgeir Þórisson, varðstjóri hjá Brunavörnum Suðurnesja, segir í samtali við fréttastofu að greiðlega hafi gengið að slökkva eldinn.
Samkvæmt upplýsingum var aðkoman ekki góð. Mikil svartur steig frá byggingunni en á verkstæðinu voru tveir bílar, dekk og gaskútar. Eldurinn náði þó ekki að læsa sig í hinn bílinn eða dreifa frekar úr sér.
Mikill reykur myndaðist sem náði inn á efri hæðir þar sem íbúðir eru og því þurfti að rýma húsið.
Húsið sem er gamalt frystihús hýsir í dag á þriðja tug fólks en húsinu hefur að hluta verið íbúðarhús. Þar búa á þriðja tug manns sem þurftu að yfirgefa íbúðir sínar á meðan slökkvistarf fór fram.
Ekki liggur fyrir hversu miklar skemmdir urðu en málið er til rannsóknar hjá Lögreglunni á Suðurnesjum.
