Tottenham áfram eftir dramatík en tap hjá Ís­lendingunum í Rúss­landi

Anton Ingi Leifsson skrifar
Bale og Son voru báðir á skotskónum í kvöld.
Bale og Son voru báðir á skotskónum í kvöld. Alexander Hassenstein/Getty

Tottenham og LASK gerðu 3-3 jafntefli í J-riðli Evrópudeildarinnar í knattspyrnu. Með jaftnteflinu er Tottenham komið áfram í næstu umferð.

Tottenham þurfti einungis eitt stig til þess að tryggja sig áfram í næstu umferð en það voru heimamenn í LASK sem komust yfir á 42. mínútu. Gareth Bale jafnaði þó úr vítaspyrnu fyrir hlé.

Heung-Min Son kom svo Tottenham í 2-1 á 56. Mínútu en Johannes Eggstein jafnaði metin fyrir LASK á 84. mínútu. Varamaðurinn Dele Alli virtist þó vera skora sigurmarkið úr vítaspyrnu á 87. mínútu en heimamenn jöfnuðu í uppbótartíma og lokatölur 3-3.

Antwerp og Tottenham eru því bæði komin áfram í 32-liða úrslitin.

Hörður Björgvin Magnússon lék allan leikinn fyrir CSKA Moskvu sem tapaði 0-1 fyrir Wolfsberger á heimavelli í K-riðlinum. Arnór Sigurðsson spilaði síðasta stundarfjórðunginn en með tapinu er ljóst að CSKA kemst ekki áfram í næstu umferð.

AC Milan er einnig komið áfram eftir 4-2 sigur á Celtic. Skotarnir komust 0-2 yfir á San Siro en tvö mörk í fyrri og tvö í þeim síðari skaut AC Milan áfram í 32-liða úrslitin. Eitt markanna skoraði m.a. Norðmaðurinn Jens Petter Hauge sem hefur slegið í gegn eftir komuna frá Bodo/Glimt.

Leicester tapaði 1-0 fyrir Zorya á útivelli en enska úrvalsdeildarliðið var fyrir leikinn í kvöld komið áfram.

Öll úrslit kvöldsins:

G-riðill:


AEK - Braga 2-4

Zorya - Leicester 1-0

H-riðill:

AC Milan - Celtic 4-2

Lille - Sparta Prague 2-1

I-riðill:

Qarabag - Maccabi Tel Aviv 1-1

Sivasspor - Villareal 0-1

J-riðill:

LASK - Tottenham 3-3

Antwerp - Ludogorets 3-1

K-riðill:

CSKA - Wolfsberger 0-1

Feyenoord - Dinamo Zagreb 0-2

L-riðill:

Crvena Zvezda - Hoffenheim 0-0

Gent - Slovan Liberec 1-2

Bein lýsing

Leikirnir




    Velkomin á Vísi. Þessi vefur notar vafrakökur. Sjá nánar.