Innlent

Gerir sér ekki vonir um að hver einasti landsmaður verði sáttur

Sunna Sæmundsdóttir skrifar
Hér má sjá stærð hálendisþjóðgarðsins miðað við frumvarpið en þegar friðlýst svæði eru gullituð. Þjóðgarðurinn næði yfir 30% landsins.
Hér má sjá stærð hálendisþjóðgarðsins miðað við frumvarpið en þegar friðlýst svæði eru gullituð. Þjóðgarðurinn næði yfir 30% landsins. vísir

Umhverfisráðherra telur komið til móts við athugasemdir í nýju frumvarpi um hálendisþjóðgarð en segir ekki hægt að gera öllum til geðs. Sveitarstjóri segist enn mótfallin málinu.

Umhverfisráðherra dreifði í gær á Alþingi nýju frumvarpi um stofnun miðhálendisþjóðgarðs og gerir ráð fyrir að mæla fyrir því á næstu dögum.

„Mér finnst gríðarlega mikilvægt að vernda þá náttúru sem er á þessu svæði. Hún er algjörlega einstök. Og á sama tíma getum við búið til gríðarleg efnahagsleg tækifæri fyrir byggðirnar í kringum landið, meðal annars með opinberum störfum og fyrir ferðaþjónustuna í landið í heild sinni. Bara með því einu að bæta ímynd Íslands með þessum hætti,“ segir Guðmundur Ingi Guðbrandsson, umhverfis- og auðlindaráðherra.

Þjóðgarðurinn yrði sá stærsti í Evrópu og næði yfir þrjátíu prósent landsins. Umhverfisráðherra telur sig hafa mætt sveitarfélögum á svæðinu í nýju frumarpi þar sem ákvæði um að sveitastjórnir séu bundnar af stjórnar- og verndaráætlun þjóðgarðsins við gerð skipulagsáætlana hefur verið fellt brott. 

Guðmundur Ingi Guðbrandsson, umhverfis- og auðlindaráðherra, gerir ráð fyrir að mæla fyrir frumvarpinu á Alþingi í þessari eða næstu viku.vísir/VIlhelm

Sveitastjóri Bláskógabyggðar segir það ekki duga til.

„Það er samt sem áður þannig að með þessum breytungu er verið að færa skipulagsvald og stjórnsýslu svæðisins frá lýðsræðislega kjörnum fulltrúum eins sveitarfélags til fulltrúa annarra sveitarfélaga og fulltrúa félagasamtaka og embættismanna,“ segir Ásta Stefánsdóttir, sveitarstjóri í Bláskógabyggð.

Sjálfstæðisflokkurinn og Framsókn gera fyrirvara við frumvarpið og Sigurður Ingi Jóhannsson, samgöngu- og sveitastjórnarráðherra birti í dag færslu þar sem hann segir að skýra þurfi valdheimildir sveitarfélaga í tengslum við málið.

Stofnun hálendisþjóðgarðsins er hluti af stjórnarsáttamála ríkisstjórnarinnar og mikið baráttumál Vinstri Grænna. Ljóst er þó af fyrirvörum Framsóknarflokksins að ekki er einhugur um málið innan stjórnarflokkanna.

Guðmundur Ingi segir núvernadi útfærslu hafa orðið til eftir mikið samráð og telur þetta niðurstöðu sem flestir eigi að geta sætt sig við.

„Við munum reyna allt sem við getum til að hafa sem flesta sátta en með jafn stórt verkefni er ég ekki að gera mér vonir um að hver einasti landsmaður verði á þeirri línu að gera þetta. En ég held nú og kannanir sýna að meirihluti landsmanna vilji stíga þetta skref,“ segir Guðmundur Ingi.


Tengdar fréttir

Mótfallin hálendisþjóðgarði þrátt fyrir málamiðlun

Sveitarstjórn Bláskógabyggðar leggst enn gegn frumvarpi umhverfisráðherra um hálendisþjóðgarð. Nýtt frumvarp var lagt fram á Alþingi í gær en í því er reynt að koma til móts við athugasemdir sveitafélaga.

Bullandi tækifæri í þjóðgarði ef hálendisleiðir verða greiðar

Ein hálendasta bújörð landsins, Svartárkot í Bárðardal, er orðin lifandi kennslustofa háskóla um búsetu fólks á jaðri hins byggilega heims. Þar segjast bændur sjá bullandi tækifæri í því að gera hálendið að einum þjóðgarði, að því gefnu að það verði ekki lokað og læst.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.