Innlent

Ævar Annel gaf sig fram

Kolbeinn Tumi Daðason skrifar
Lögreglan á höfuðborgarsvæðinu birti þessar myndir af Ævari Annel Valgarðssyni þegar lýst var eftir honum föstudaginn 20. nóvember.
Lögreglan á höfuðborgarsvæðinu birti þessar myndir af Ævari Annel Valgarðssyni þegar lýst var eftir honum föstudaginn 20. nóvember. Lögreglan

Ævar Annel Valgarðsson, tvítugur Reykvíkingur sem lögregla hefur leitað síðan á föstudaginn, er kominn í leitirnar.

Ævar Annel Valgarðsson, tvítugur Reykvíkingur sem lögregla hefur leitað síðan á föstudaginn, er kominn í leitirnar. 

Fram kemur í tilkynningu frá lögreglu að Ævar Annel hafi gefið sig fram. Hann sé nú í haldi lögreglu og ekki verði veittar frekari upplýsingar að svo stöddu.

Rannsókn á ofbeldismáli

Samkvæmt heimildum fréttastofu tengist leitin að Ævari Annel rannsókn lögreglu á máli tæplega þrítugs karlmanns, lærðs bardagaíþróttamanns, sem úrskurðaður var í tveggja vikna gæsluvarðhald á föstudaginn. Meðal gagna í málinu er myndband sem bardagamaðurinn birti af sér ráðast á Ævar Annel.

Bardagamaðurinn birti myndband á Facebook-síðu sinni sunnudaginn 15. nóvember þar sem það var sýnilegt í vel á annan sólarhring. Bardagamaðurinn var handtekinn ásamt öðrum manni og færður til skýrslutöku en svo sleppt. Myndbandið var fjarlægt í framhaldi af handtöku bardagamannsins.

Tveimur dögum síðar, þriðjudaginn 17. nóvember, var bensínsprengju kastað inn í íbúð í fjölbýlishús við Friggjarbrunn í Úlfarsárdal og kviknaði í. Bardagamaðurinn mun hafa búið í íbúðinni en enginn var á vettvangi þegar lögreglu og slökkvilið bar að garði. Hratt gekk að slökkva eldinn.

Í gæsluvarðhaldi

Lögreglan á höfuðborgarsvæðinu réðst svo í nokkuð umfangsmiklar aðgerðir að kvöldi fimmtudagsins 19. nóvember sem stóðu fram á nótt. Ráðist var í húsleitir og tveir karlmenn á þrítugsaldri handteknir.

Bardagaíþróttamaðurinn er annar þeirra en fréttastofa þekkir ekki deili á hinum. Sá fyrrnefndi var úrskurðaður í tveggja vikna gæsluvarðhald á grundvelli rannsóknarhagsmuna.

Móðir Ævars Annels sagði í samtali við Vísi í gær að hún vonaði að Ævar Annel gæfi sig fram. Hún vissi að það væri í lagi með hann en ekki hvar hann héldi sig.


Tengdar fréttir

Móðir Ævars Annels biðlar til fólks að segja frá

Leit lögreglu að Ævari Annel Valgarðssyni, tvítugum Reykvíkingi, hefur engan árangur borið. Hans hefur verið leitað síðan á föstudaginn þegar lögreglan á höfuðborgarsvæðinu lýsti eftir honum.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.