Þrjár af skærustu poppstjörnum Íslands voru gestir Ingó Veðurguðs í nýjasta þætti Í kvöld er gigg. Hreimur úr Landi og sonum, Birgitta Haukdal úr Írafár og Gunnar Óla úr Skítamóral heiðruðu Ingó með nærveru sinni. Ingó hafði það á orði í byrjun þáttar að hann hefði ekkert undirbúið sig fyrir þáttinn.
Þetta er fyrsti þátturinn sem ég þurfti ekkert að undirbúa mig. Þetta er mín tónlist
Ingó rifjaði það upp þegar hann var lítill strákur að dansa fremst við sviðið í heimbæ sínum Selfoss, þar sem Skítamórall spilaði ósjaldan á fjölskylduhátíðum og böllum.
Stemmningin í þættinum var eins og gott baksviðspartý eftir Þjóðhátíð þar sem Ingó og gestir hans skiptust á að syngja þjóðhátíðarlög og hina svokölluðu „aldamótasmelli“.
Hér fyrir neðan má sjá Birgittu Haukdal syngja hugljúfa útgáfu af Skítamóralslaginu Ennþá.
Fyrir áhugasama er hægt að nálgast fyrstu sex þætti af Í kvöld er gigg inn á Stöð 2 Maraþon.
