Bar­ca vann stór­sigur þrátt fyrir að vera manni færri

Ansu Fati heldur áfram að gera gott mót en hann skoraði annan leikinn í röð í kvöld.
Ansu Fati heldur áfram að gera gott mót en hann skoraði annan leikinn í röð í kvöld. Pedro Salado/Getty Images

Barcelona fylgdi eftir frábærum 4-0 sigri á Villarreal í fyrstu umferð spænsku úrvalsdeildarinnar með 3-0 sigri á útivelli gegn Celta Vigo í kvöld. 

Sigurinn var enn merkilegri fyrir þær sakir að Clément Lenglet fékk sitt annað gula spjald og þar með rautt á 42. mínútu. Staðan var þá orðin 1-0 Barca í vil en hinn ungi Ansu Fati kom gestunum yfir á 11. mínútu leiksins. Hans þriðja mark á tímabilinu til þessa.

Lucas Olaza varð fyrir því óláni að skora sjálfsmark þegar síðari hálfleikur var aðeins sjö mínútna gamall. Efir það lögðust Börsungar aftarlega á völlinn til að verja fenginn hlut.

Það var svo Sergi Roberto sem bætti við þriðja marki þeirra þegar komið var fram á þriðju mínútu uppbótartíma. Lokatölur 3-0 Barcelona í vil sem hefur unnið fyrstu tvo leiki sína í deildinni af miklu öryggi. 

Mikið var um spjöld í kvöld en samtals fóru 10 gul spjöld á loft ásamt einu rauðu.

Börsungar eru í 5. sæti með sex stig, stigi á eftir toppliðunum fjórum sem eru öll með sjö stig og hafa leikið einum eða tveimur leikjum meira.

Bein lýsing

Leikirnir




    Velkomin á Vísi. Þessi vefur notar vafrakökur. Sjá nánar.