Innlent

21 greindist með veiruna innan­lands í gær

Atli Ísleifsson skrifar
AF3E104327B22585452E66BBCC8C8031BAE1D77636E8DCB312A6911800269997_713x0
Vísir/Vilhelm

21 greindist greindust með kórónuveiruna innanlands í gær. Fjórtán þeirra voru ekki í sóttkví við greiningu.

Þetta kemur fram í uppfærðum tölum á vefnum covid.is, en alls hafa því 53 greinst innanlands síðustu þrjá sólarhringa. Tveir eru á sjúkrahúsi vegna Covid-19 og hefur þeim því fjölgað um einn milli daga.

Þrjú smit greindust á landamærum, en þar er beðið niðurstöðu mótefnamælingar í tilvikum allra .

108 manns eru nú í einangrun, samanborið við 84 í gær. Þá eru 793 í sóttkví, en þeir voru 546 í gær.

Nýgengi innanlandssmita, þ.e. fjöldi smitaðra á hverja 100 þúsund íbúa undanfarnar tvær vikur er 21,8, en var 17,7 í gær. Þá er nýgengi landamærasmita nú 5,2, en var 4,4 í gær.

Nú hafa 2.230 manns greinst smitaðir af kórónuveiru frá upphafi faraldursins. Tíu þeirra sem hafa veikst af Covid-19 eru látnir.

Alls voru tekin 998 einkennasýni hjá sýkla- og veirufræðideild Landspítalans og Íslenskri erfðagreiningu í gær og 905 sýni á landamærunum eða í seinni landamæraskimun. Þá voru 1.649 sýni tekin í annarri skimun hjá Íslenskri erfðagreiningu. Þá voru 457 sýni tekin í sóttkvíar- og handahófsskimun.

740 einkennasýni voru auk þess tekin á heilsugæslu höfuðborgarsvæðisins í gær. Sóttvarnalæknir bjóst við hærri tölum eftir því meira sem yrði leitað.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×