Hertari sóttvarnarráðstafanir þýði röskun á skólastarfi Margrét Helga Erlingsdóttir skrifar 28. ágúst 2020 13:43 Helgi Grímsson er sviðsstjóri skóla- og frístundasviðs Reykjavíkurborgar. Vísir/Egill Aðalsteinsson Ekki stendur til að herða sóttvarnarráðstafanir í grunnskólum borgarinnar þrátt fyrir ákall frá Félagi grunnskóla að sögn Helga Grímssonar, sviðsstjóra skóla- og frístundasviðs Reykjavíkurborgar. Hertar aðgerðir þýði röskun á skólastarfi. Hann ræddi við fréttastofu í hádegisfréttum Bylgjunnar um skólastarfið í borginni á tímum Covid-19. Smit hefur komið upp í að minnsta kosti fimm grunnskólum í borginni á síðustu viku, nú síðast í Melaskóla í Vesturbæ Reykjavíkur. Formaður félags grunnskólakennara sagði í kvöldfréttum Ríkisútvarpsins í gær að mistök hafi verið gerð með sóttvarnir í upphafi skólaárs. Margir kennarar telji að sóttvarnarráðstafanir séu ekki nægar og að þeir séu í meiri smithættu en aðrir þjóðfélagshópar. Helgi hrósar starfsfólki skólanna og segir það hafa staðið sig afburðavel í að skipuleggja skólastarf innan þess ramma sem sóttvarnaryfirvöld setja. Hann segir að meginmarkmiðið sé að halda úti eins miklu skólastarfi og kostur er. „Við erum í dag að framkvæma okkar skóla- og frístundastarf á hættustigi ekki neyðarstigi. Það var raunin í vor og þá var neyðarstig í gildi og þá þurfti að grípa til mun harðari aðgerða en þörf er á í dag að mati sóttvarnaryfirvalda. Það má ekki gleyma því að ef við förum í eins stranga hólfun og var í vor þá þýðir það skerðing á skólastarfi, skólasókn barna og ungmenna. Það er eitthvað sem bæði sóttvarnaryfirvöld og menntamálayfirvöld, bæði hér á landi og um allan heim, mæla eindregið gegn. Við verðum að standa vörð um menntun og velferð barnanna okkar.“ Í gær fengu foreldrar barna í Melaskóla skeyti frá skólastjóranum þar sem fram kom að starfsmaður við skólann hafi greinst með kórónuveiruna. Rakningarteymi almannavarna ákvað í kjölfarið að fjórir starfsmenn til viðbótar skyldu einnig fara í tveggja vikna sóttkví. Helgi segir gríðarlega mikilvægt að bregðast skjótt og kröftuglega við ef grunur verður um smit. „Þar var maki sem var greindur [með veiruna] og viðkomandi starfsmaður var með einkenni og þá gripum við strax til þess ráðs að setja þá sem höfðu verið í mestu samstarfi við viðkomandi starfsmann í sóttkví og það var áður en smit var staðfest og áður en rakningarteymið fór í sína úrvinnslu. Þarna leiðbeindum við stjórnandanum að grípa til viðeigandi ráðstafana til þess að verja starfsmannahópinn sinn og það varð síðan niðurstaðan að við vorum með puttann á púlsinum og settum þá í varúðarsóttkví, nákvæmlega þá sem rakningarteymið síðan ákvað að þyrftu að fara í sóttkví.“ Helgi hefur trú á þeim ráðstöfunum sem hafa verið gerðar í skólunum til að hindra útbreiðslu veirunnar. Enn sem komið er séu engin dæmi um að smit hafi borist til starfsmannahópsins á síðustu vikum. „Það er starfsmaður sem hefur smitast í sínu einkalífi og kemur inn á vinnustað og síðan hefur verið brugðist við þeim ráðstöfunum sem stuðla að því að smit berist ekki út. Enn sem komið eru engar fréttir um útbreiðslu smits til þeirra sem eru í sóttkví“. Meginmarkmiðið í vetur er, að sögn Helga, að finna leiðir til að aðlaga líf okkar að faraldrinum og að vera viðbúin bæði smærri og stærri bylgjum veirunnar og reiðubúin að draga saman seglin með litlum fyrirvara ef þörf krefur. Aðalatriðið sé að reyna að halda úti eins miklu skólastarfi og kostur er „barnanna okkar vegna og samfélagsins vegna“. Hann segir reynsluna sem starfsfólk skólanna hafi fengið í vor geri það betur í stakk búið að takast á við veturinn „sem verður með lygnum sjó og brimi hugsanlega, einhvern tíman.“ Skóla - og menntamál Faraldur kórónuveiru (COVID-19) Mest lesið Lögregla dreifði gjörbreyttri mynd af díselþjófum Innlent „Sjaldan hefur stjórnmálamaður verið hamflettur jafn rækilega“ Innlent Ferðamaður lést við Breiðamerkursand Innlent Falið ofbeldi gegn eldri borgurum: „Þetta er barnið mitt, ég ól það upp, gerði ég mistök?“ Innlent „Það er rosalega ljótt að segja þetta en mér líður bara þannig“ Innlent Lögregla biðst afsökunar vegna myndarinnar Innlent Líkir aðferðum forstjóra Landsvirkjunnar við heimilisofbeldi Innlent Hafi látið högg og spörk dynja á foreldrunum í tíu klukkustundir Innlent Ferðaþjónustuþorpið Vík: „Við erum ein á báti“ Innlent Í áfalli eftir að hafa fengið bréf frá árásarmanninum inn um lúguna Erlent Fleiri fréttir „Komið nóg af áföllum“ Níu ára og með sitt eigið „Fannars bakarí“ í Njarðvík „Þetta er hættuleg helgi“ Eldri borgarar sem verði fyrir ofbeldi ættingja geti hvergi leitað Aldraðir beittir ofbeldi af ættingjum og gervigreindarmistök lögreglu Ferðaþjónustuþorpið Vík: „Við erum ein á báti“ Tjaldsvæði á Norðurlandi óðum að fyllast Framkvæmdir við Hvammsvirkjun stöðvaðar Borgin hafnar yfirlýsingum KSÍ Fólk varist dúfur í Vestmannaeyjum Ógnaði vegfarendum með stórum hníf Ferðamaður lést við Breiðamerkursand „Í Evrópumálum tel ég að þetta sé ekki rétti tíminn að fara í þá vegferð“ Falið ofbeldi gegn eldri borgurum: „Þetta er barnið mitt, ég ól það upp, gerði ég mistök?“ Ísbjarnareftirlit á Vestfjörðum Íslenskum nemendum fækkar en erlendum fjölgar Lögregla biðst afsökunar vegna myndarinnar Þyrlan kölluð út vegna bráðra veikinda á Breiðamerkursandi Ofbeldi gegn eldri borgurum oft hulið Aukið viðbragð í öllum deildum lögreglu Lögregla dreifði gjörbreyttri mynd af díselþjófum Sendinefnd ESB tjáir sig ekki um tollana Líkir aðferðum forstjóra Landsvirkjunnar við heimilisofbeldi Breiðan „tjakkast upp“ og varað við framhlaupi við hraunjaðrana Meiddist á handlegg og fótum þegar glerhurð brotnaði „Það er rosalega ljótt að segja þetta en mér líður bara þannig“ Segir viðbrögð Bjarnheiðar vekja „óþægilegar minningar“ „Hef ekki hitt neinn arkitekt sem finnst þetta góð hugmynd“ Komu göngumönnum í sjálfheldu til aðstoðar Á bát í Kyrrahafi þegar skjálftaflóðbylgjur skullu á Sjá meira
Ekki stendur til að herða sóttvarnarráðstafanir í grunnskólum borgarinnar þrátt fyrir ákall frá Félagi grunnskóla að sögn Helga Grímssonar, sviðsstjóra skóla- og frístundasviðs Reykjavíkurborgar. Hertar aðgerðir þýði röskun á skólastarfi. Hann ræddi við fréttastofu í hádegisfréttum Bylgjunnar um skólastarfið í borginni á tímum Covid-19. Smit hefur komið upp í að minnsta kosti fimm grunnskólum í borginni á síðustu viku, nú síðast í Melaskóla í Vesturbæ Reykjavíkur. Formaður félags grunnskólakennara sagði í kvöldfréttum Ríkisútvarpsins í gær að mistök hafi verið gerð með sóttvarnir í upphafi skólaárs. Margir kennarar telji að sóttvarnarráðstafanir séu ekki nægar og að þeir séu í meiri smithættu en aðrir þjóðfélagshópar. Helgi hrósar starfsfólki skólanna og segir það hafa staðið sig afburðavel í að skipuleggja skólastarf innan þess ramma sem sóttvarnaryfirvöld setja. Hann segir að meginmarkmiðið sé að halda úti eins miklu skólastarfi og kostur er. „Við erum í dag að framkvæma okkar skóla- og frístundastarf á hættustigi ekki neyðarstigi. Það var raunin í vor og þá var neyðarstig í gildi og þá þurfti að grípa til mun harðari aðgerða en þörf er á í dag að mati sóttvarnaryfirvalda. Það má ekki gleyma því að ef við förum í eins stranga hólfun og var í vor þá þýðir það skerðing á skólastarfi, skólasókn barna og ungmenna. Það er eitthvað sem bæði sóttvarnaryfirvöld og menntamálayfirvöld, bæði hér á landi og um allan heim, mæla eindregið gegn. Við verðum að standa vörð um menntun og velferð barnanna okkar.“ Í gær fengu foreldrar barna í Melaskóla skeyti frá skólastjóranum þar sem fram kom að starfsmaður við skólann hafi greinst með kórónuveiruna. Rakningarteymi almannavarna ákvað í kjölfarið að fjórir starfsmenn til viðbótar skyldu einnig fara í tveggja vikna sóttkví. Helgi segir gríðarlega mikilvægt að bregðast skjótt og kröftuglega við ef grunur verður um smit. „Þar var maki sem var greindur [með veiruna] og viðkomandi starfsmaður var með einkenni og þá gripum við strax til þess ráðs að setja þá sem höfðu verið í mestu samstarfi við viðkomandi starfsmann í sóttkví og það var áður en smit var staðfest og áður en rakningarteymið fór í sína úrvinnslu. Þarna leiðbeindum við stjórnandanum að grípa til viðeigandi ráðstafana til þess að verja starfsmannahópinn sinn og það varð síðan niðurstaðan að við vorum með puttann á púlsinum og settum þá í varúðarsóttkví, nákvæmlega þá sem rakningarteymið síðan ákvað að þyrftu að fara í sóttkví.“ Helgi hefur trú á þeim ráðstöfunum sem hafa verið gerðar í skólunum til að hindra útbreiðslu veirunnar. Enn sem komið er séu engin dæmi um að smit hafi borist til starfsmannahópsins á síðustu vikum. „Það er starfsmaður sem hefur smitast í sínu einkalífi og kemur inn á vinnustað og síðan hefur verið brugðist við þeim ráðstöfunum sem stuðla að því að smit berist ekki út. Enn sem komið eru engar fréttir um útbreiðslu smits til þeirra sem eru í sóttkví“. Meginmarkmiðið í vetur er, að sögn Helga, að finna leiðir til að aðlaga líf okkar að faraldrinum og að vera viðbúin bæði smærri og stærri bylgjum veirunnar og reiðubúin að draga saman seglin með litlum fyrirvara ef þörf krefur. Aðalatriðið sé að reyna að halda úti eins miklu skólastarfi og kostur er „barnanna okkar vegna og samfélagsins vegna“. Hann segir reynsluna sem starfsfólk skólanna hafi fengið í vor geri það betur í stakk búið að takast á við veturinn „sem verður með lygnum sjó og brimi hugsanlega, einhvern tíman.“
Skóla - og menntamál Faraldur kórónuveiru (COVID-19) Mest lesið Lögregla dreifði gjörbreyttri mynd af díselþjófum Innlent „Sjaldan hefur stjórnmálamaður verið hamflettur jafn rækilega“ Innlent Ferðamaður lést við Breiðamerkursand Innlent Falið ofbeldi gegn eldri borgurum: „Þetta er barnið mitt, ég ól það upp, gerði ég mistök?“ Innlent „Það er rosalega ljótt að segja þetta en mér líður bara þannig“ Innlent Lögregla biðst afsökunar vegna myndarinnar Innlent Líkir aðferðum forstjóra Landsvirkjunnar við heimilisofbeldi Innlent Hafi látið högg og spörk dynja á foreldrunum í tíu klukkustundir Innlent Ferðaþjónustuþorpið Vík: „Við erum ein á báti“ Innlent Í áfalli eftir að hafa fengið bréf frá árásarmanninum inn um lúguna Erlent Fleiri fréttir „Komið nóg af áföllum“ Níu ára og með sitt eigið „Fannars bakarí“ í Njarðvík „Þetta er hættuleg helgi“ Eldri borgarar sem verði fyrir ofbeldi ættingja geti hvergi leitað Aldraðir beittir ofbeldi af ættingjum og gervigreindarmistök lögreglu Ferðaþjónustuþorpið Vík: „Við erum ein á báti“ Tjaldsvæði á Norðurlandi óðum að fyllast Framkvæmdir við Hvammsvirkjun stöðvaðar Borgin hafnar yfirlýsingum KSÍ Fólk varist dúfur í Vestmannaeyjum Ógnaði vegfarendum með stórum hníf Ferðamaður lést við Breiðamerkursand „Í Evrópumálum tel ég að þetta sé ekki rétti tíminn að fara í þá vegferð“ Falið ofbeldi gegn eldri borgurum: „Þetta er barnið mitt, ég ól það upp, gerði ég mistök?“ Ísbjarnareftirlit á Vestfjörðum Íslenskum nemendum fækkar en erlendum fjölgar Lögregla biðst afsökunar vegna myndarinnar Þyrlan kölluð út vegna bráðra veikinda á Breiðamerkursandi Ofbeldi gegn eldri borgurum oft hulið Aukið viðbragð í öllum deildum lögreglu Lögregla dreifði gjörbreyttri mynd af díselþjófum Sendinefnd ESB tjáir sig ekki um tollana Líkir aðferðum forstjóra Landsvirkjunnar við heimilisofbeldi Breiðan „tjakkast upp“ og varað við framhlaupi við hraunjaðrana Meiddist á handlegg og fótum þegar glerhurð brotnaði „Það er rosalega ljótt að segja þetta en mér líður bara þannig“ Segir viðbrögð Bjarnheiðar vekja „óþægilegar minningar“ „Hef ekki hitt neinn arkitekt sem finnst þetta góð hugmynd“ Komu göngumönnum í sjálfheldu til aðstoðar Á bát í Kyrrahafi þegar skjálftaflóðbylgjur skullu á Sjá meira