Fótbolti

Kol­beinn ekki í leik­manna­hópi AIK og ó­vænt tap hjá Jóni Degi

Anton Ingi Leifsson skrifar
Jón Dagur í leik með AGF fyrr á leiktíðinni.
Jón Dagur í leik með AGF fyrr á leiktíðinni. vísir/getty
Kolbeinn Sigþórsson var ekki í leikmannahópi AIK vegna meiðsla er liðið vann 3-1 sigur á Kalmar í sænska bikarnum.

Leikið var í riðli fjögur en AIK endar með fjögur stig í riðlinum. Kalmar endar á toppi riðilsins og er því komið áfram í sænska bikarnum.

Sautján dagar eru þangað til að Ísland mætir Rúmeníu í umspili um laust sæti á EM 2020 og ekki eru það góð tíðindi fyrir Ísland sé Kolbeinn að glíma við meiðsli.

Jón Dagur Þorsteinsson spilaði síðasta hálftímann er AGF tapaði óvænt gegn botnliði Silkeborg, 2-1, er liðin mættust í danska boltanum.





Silkeborg komst í 2-0 í fyrri hálfleik en AGF minnkaði muninn í síðari hálfleik. Tvö rauð spjöld fóru á loft en AGF er áfram í 3. sætinu.




Fleiri fréttir

Sjá meira


×