Innlent

Aðeins einn var í sóttkví

Sylvía Hall skrifar
Þórólfur Guðnason sóttvarnalæknir.
Þórólfur Guðnason sóttvarnalæknir. Almannavarnir

Aðeins einn þeirra sem greindist með kórónuveiruna í gær var í sóttkví. Alls greindust þrettán innanlandssmit og eru því 72 virk smit á landinu sem stendur.

Þetta kom fram í máli Þórólfs Guðnasonar sóttvarnalæknis á upplýsingafundi almannavarna.

Hann segir smitin dreifast um allt landið; tveir sem greindust í gær eru á Norðurlandi en hinir á höfuðborgarsvæðinu. Undanfarna daga hefur verið greint frá smitum á Vesturlandi og Vestfjörðum.

569 eru í sóttkví og eru langflestir þeirra á höfuðborgarsvæðinu. Fólk er þó í sóttkví um allt land að Austurlandi utanskildu þar sem enginn er í sóttkví.

Þórólfur segir ánægjulegt að fáir hafi veikst alvarlega. Aðeins einn liggur á sjúkrahúsi vegna Covid-19 og er það fyrsta innlögnin frá því um miðjan maí.

Hann minnti þó á stundum kæmu einkenni ekki fram fyrr en eftir nokkra daga. Því væri viðbúið að fleiri gætu þurft að leggjast inn á sjúkrahús á næstu dögum með alvarleg einkenni.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×