Innlent

Þrír menn óskuðu eftir að­stoð björgunar­sveita þegar bátur þeirra varð vélar­vana

Hallgerður Kolbrún E. Jónsdóttir skrifar
Smábátur í vandræðum í Kópavogi.
Smábátur í vandræðum í Kópavogi. Vísir/Vilhelm

Aðstoða þurfti þrjá til hafnar eftir erfiðleika við að koma mótor skemmtibáts þeirra í gang. Hjálparsveit skáta í Kópavogi og Björgunarsveitin Ársæll svöruðu kalli eftir aðstoð við Löngusker sem barst klukkan korter í ellefu og eru nú á leið í land með bátinn í eftirdragi.

Þrír voru um borð í bátnum en að sögn Landhelgisgæslunnar var engin hætta sem slík á ferðum en bátsmenn hafi þurft á aðstoð að halda til að komast í höfn.

Annars vegar fór bátur frá Hjálparsveit skáta í Kópavogi og hins vegar bátur frá Björgunarsveitinni Ársæl í Reykjavík frá Seltjarnarnesi til aðstoðar mönnunum. Bátur Björgunarsveitarinnar Ársæls er nú með bátinn í eftirdrætti á leið í höfn í Kópavogi ásamt björgunarsveitarbátnum Sædísi frá Kópavogi.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×