Innlent

Loka fangelsinu á Akureyri

Kristín Ólafsdóttir skrifar
Fangelsið á Akureyri er í sama húsnæði og embætti lögreglunnar á Norðurlandi eystra.
Fangelsið á Akureyri er í sama húsnæði og embætti lögreglunnar á Norðurlandi eystra. Vísir/vilhelm

Fangelsinu á Akureyri, minnstu rekstrareiningu Fangelsismálastofnunar, verður lokað. Þetta kemur fram í tilkynningu frá dómsmálaráðuneytinu, þar sem segir að með lokun fangelsisins verði hægt að nýta betur þá fjármuni sem renna til fangelsismála.

Um átta til tíu fangar eru vistaðir að jafnaði í fangelsinu á Akureyri, sem er í sama húsnæði og embætti lögreglunnar á Norðurlandi eystra. 

Í tilkynningu segir að kostnaður við hvert fangapláss á Litla-Hrauni og Hólmsheiði sé mun lægri en á Akureyri vegna samlegðaráhrifa við önnur fangelsi.  Þá verði ávinningurinn af lokun fangelsisins margþættur; boðunarlisti og fyrningar refsinga geti lækkað auk þess sem nýting á afplánunarrýmum verði betri. 

Fimm starfsmenn eru fastráðnir í fangelsinu á Akureyri og hefur Fangelsismálastofnun lýst því yfir að þeim verði boðið starf í fangelsum ríkisins. „Loks má benda á að um 75% þeirra sem afplána refsivist í fangelsinu á Akureyri eru af stórhöfuðborgarsvæðinu,“ segir í tilkynningu.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×