Innlent

Lagði hald á 130 kanna­bis­plöntur í heima­húsi í Árbæ

Atli Ísleifsson skrifar
Cannabis homegrown in a greenhouse
Cannabis homegrown in a greenhouse

Lögreglan á höfuðborgarsvæðinu stöðvaði í vikunni kannabisræktun í heimahúsi í Árbæ í Reykjavík. Tveir voru handteknir.

Í tilkynningu frá lögreglu segir að hald hafi verið lagt á tæplega 130 kannabisplöntur á ýmsum stigum ræktunar.

„Við húsleit tók lögreglan enn fremur í sína vörslu fjármuni, sem grunur leikur á að séu tilkomnir vegna fíkniefnasölu. Tveir húsráðendur voru handteknir í þágu rannsóknarinnar og játaði annar þeirra aðild að málinu.

Við minnum á upplýsingasíma lögreglu 800 5005. Í hann má hringja nafnlaust til að koma á framfæri upplýsingum um fíkniefnamál, eða önnur brot sem fólk hefur vitneskju um. Ábendingum um brot má jafnframt koma á framfæri í einkaskilaboðum á fésbókarsíðu Lögreglunnar á höfuðborgarsvæðinu,“ segir í tilkynningunni.

Lögreglumál Reykjavík
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið