Fyrsta tap PSG í 36 leikjum

Lyon varð fyrsta liðið til að leggja PSG að velli í frönsku úrvalsdeildinni þetta tímabilið. Lyon vann leik liðanna á heimvelli í kvöld, 2-1. PSG hafði leikið 36 deildarleiki í röð án þess að tapa sem er met í frönsku deildinni.

Maxwel Cornet kom Lyon yfir strax á þrettándu mínútu með glæsilegu skoti. Sergi Darder jók svo forystuna með öðru glæsilegu marki í uppbótartíma fyrri hálfleiks.

Lucas minnkaði muninn fyrir PSG í upphafi síðari hálfleiks en það dugði ekki til.

PSG er þó enn með 23 stiga forystu á toppi frönsku deildarinnar. Liðið er með 73 stig en Monaco kemur næst með 50. Lyon komst svo upp í þriðja sæti deildarinnar í kvöld en liðið er nú með 42 stig.