106 ára orkubolti og gleðigjafi hristi upp í Hvíta húsinu

Það er óhætt að segja að hin 106 ára gamla Virginia McLaurin hafi verið eitt stórt bros og smitað því hressilega útfrá sér þegar draumur hennar rættist í gær. McLaurin heimsótti forsetahjónin í Hvíta húsið í Washington DC.

McLaurin var algjörlega í skýjunum, dansaði og grínaðist. Ólíklegt má telja að hressari 106 ára konu sé að finna á plánetunni. Hún sagði hjónunum Barack og Michelle að lykillinn að því að vera enn dansandi 106 ára væri að vera sífellt á hreyfingu.

McLaurin var boðið í heimsókn til forsetahjónanna í tilefni „Black history month“ sem haldinn er hátíðlegur í Bandaríkjunum í febrúar ár hvert.

Innslag frá heimsókninni má sjá hér að neðan.

Dance Party with 106-year-old Virginia McLaurin

What's the secret to still dancing at 106? Watch 106-year-old Virginia McLaurin fulfill her dream of visiting the White House and meeting President Obama. #BlackHistoryMonth

Posted by The White House on Sunday, February 21, 2016