Bandaríkin í erfiðum riðli

Aron Jóhannsson og félagar í bandaríska landsliðinu duttu ekki beint í lukkupottinn er dregið var i riðla fyrir Copa America.

Copa America-keppnin er 100 ára í sumar og því fer mótið núna fram annað árið í röð. Mótið fer fram í Bandaríkjunum.

Bandaríkin drógust í riðil með Kólumbíu, Kosta Ríka og Paragvæ. Kólumbía og Kosta Ríka komust í 16-liða úrslit á síðasta HM og Paragvæ er alltaf með fínt lið.

Opnunarleikur keppninnar verður á milli Bandaríkjanna og Kólumbíu þann 3. júní. Leikið verður á Levi's-vellinum í Santa Clara en þar fór Super Bowl-leikurinn fram á dögunum.

A-riðill:

Bandaríkin

Kólumbía

Kosta Ríka

Paragvæ

B-riðill:

Brasilía

Ekvador

Haíti

Perú

C-riðill:

Mexíkó

Úrúgvæ

Jamaíka

Venesúela

D-riðill:

Argentína

Síle

Panama

Bólivía