Beckham byrjar gegn Austurríki

David Beckham verður í byrjunarliði Englendinga annað kvöld þegar liðið mætir Austurríkismönnum í æfingaleik. Steve McClaren gerir nokkrar breytingar á byrjunarliði sínu frá síðustu leikjum enda eru líka mikil meiðsli í herbúðum enska liðsins.

Beckham mun spila sinn 98. landsleik fyrir Englendinga á morgun en hann hefur reyndar lítið spilað undanfarið þar sem deildarkeppninni í Bandaríkjunum er lokið fyrir nokkru síðan.

Frank Lampard kemur væntanlega aftur inn á miðjuna hjá enska liðinu í stað Gareth Barry og útlit er fyrir að markvörðurinn Scott Carson leysi Paul Robinson af hólmi í markinu. Joleon Lescott verður miðvörður og Wayne Bridge verður í stöðu vinstri bakvarðar.

Byrjunarlið Englendinga lítur því væntanlega svona út:

Carson; Richards, Campbell, Lescott, Bridge; Beckham, Gerrard, Lampard, J Cole; Owen, Crouch.