Sjáðu mörk Rashford og öll hin mörkin úr leikjum gærdagsins

Sjö leikir fóru fram í ensku úrvalsdeildinni í gær og var stærsti leikurinn án efa viðureign stórveldanna Manchester United og Liverpool á Old Trafford en það var United með sigur af hólmi eftir tvö mörk frá Marcus Rashford.

Bæði mörk Rashford komu í fyrri hálfleiknum og var uppskriftin af þeim mjög lík. David De Gea sparkaði boltanum upp á Romelu Lukaku sem vann skallabolta og boltinn barst til Rashford sem skilaði boltanum tvisvar sinnum í netið.

Jóhann Berg og félagar fóru í heimsókn til West Ham þar sem stuðningsmenn West Ham sneru algjörlega gegn liðinu í seinni hálfleiknum. Chris Wood kom inná fyrir Burnley og lagði strax upp mark fyrir Ashley Barnes og skoraði síðan tvö mörk í kjölfarið.

Gylfi Þór var í byrjuarnliði Everton sem bar sigur úr bítum gegn Brigton þar sem bæði mörk Everton komu í seinni hálfleiknum en Cenk Tosun skoraði sitt fyrsta mark fyrir félagið á Goodison Park.

Chelsea komst aftur á sigurbraut eftir tapið gegn Manchester City um síðustu helgi en það var Willian sem kom þeim á bragðið með laglegu marki. Patrick van Anholt gerði lokamínúturnar spennandi með því að minnka muninn undir loks leiks en það mark kom hreinlega of seint.

Manchester United - Liverpool 2-1

Everton - Brighton 2-0

Chelsea - Crystal Palace 2-1

West Ham - Burnley 0-3

Newcastle - Southampton 3-0

Huddersfield - Swansea 0-0

West Brom - Leicester 1-4