Fótbolti

Magnaður Messi: 50 þrennur og 650 mörk

Anton Ingi Leifsson skrifar
Messi fagnar í gær.
Messi fagnar í gær. vísir/getty
Lionel Messi lék á alls oddi í gær er Barcelona vann magnaðan 4-2 sigur á Sevilla eftir að hafa lent í tvívegis undir.

Jesus Navas kom Sevilla yfir en Messi jafnaði. Gabriel Mercardo kom Sevilla aftur yfir en Messi svaraði með tveimur mörkum og stoðsendingu í 4-2 sigri Börsunga.

Þetta var enn ein þrennan hjá Messi fyrir Barcelona en hann er nú samtals kominn með 50 þrennur fyrir Barcelona og Argentínu. Gjörsamlega magnaður.





Argentínski snillingurinn er ekki bara með fimmtíu þrennur því þriðja markið hans í gær var einnig 650. mark hans fyrir bæði Barcelona og Argentínu.

Hann hefur skorað 585 mörk á ferli sínum hjá Barcelona og 65 mörk fyrir Argentínu. Ótrúlegur en vekja má athygli á því að hann var í fimmta sæti yfir kjöri á bestu fótboltamönnum heims á síðustu leiktíð.

Fótbolti

Tengdar fréttir

Mest lesið


Fleiri fréttir

Sjá meira


×

Mest lesið