Borgarstjórn gæðir sér á önd í Ráðhúsinu
Borgarfulltrúar í borgarstjórn Reykjavíkur gæddu sér á önd í kvöldmat. Katrín Atladóttir borgarfulltrúi Sjálfstæðisflokks deildi mynd af kvöldmatnum á Twitter-síðu sinni í kvöld.
Kvöldmatur í borgarstjórn pic.twitter.com/Ll8Vj2SINS
— Katrín Atladóttir (@katrinat) December 3, 2019
Mikið hefur verið rætt um matarkostnað við fundi borgarstjórnar en vegna mistaka við útreikning barst það svar við fyrirspurn Pawels Bartoszek að meðal-matarkostnaður við borgarstjórnarfund væri um 360.000 krónur.
Komið hefur þó á daginn að meðal-kostnaðurinn sé í raun um 208.000 krónur en mun fleiri en borgarfulltrúarnir 23 gæða sér á kvöldmat í Ráðhúsinu.
Þá má sjá á Instagram-síðu Hildar Björnsdóttur, borgarfulltrúa Sjálfstæðisflokksins, að einnig sé boðið upp á vegan valmöguleika í kvöldmatnum í Ráðhúsinu.
Tengdar fréttir
Mistök við útreikning matarkostnaðar
Mistök voru gerð í útreikningi á matskostnaði á fundum borgarstjórnar með þeim afleiðingum að kostnaðurinn var ofreiknaður.
Treystir sér til að fóðra ráðhúsfólkið fyrir miklu minni pening
Kristján Þorsteinsson veitingamaður segir illa farið með útsvarspeningana.
Kolbrún segir kræsingarnar fara fram hjá sér
Borgarfulltrúi Flokks fólksins ofbýður kostnaður vegna borgarstórnarfunda.
Borða og drekka fyrir 360 þúsund á hverjum fundi borgarstjórnar
Kostnaður við þá tuttugu fundi borgarstjórnar sem haldnir hafa verið frá því í júní í fyrra og þar til í júlí á þessu ári nemur alls 17 milljónum króna eða 850 þúsundum fyrir hvern fund.
