Fótbolti

Hazard missir af El Clásico

Anton Ingi Leifsson skrifar
Hazard liggur óvígur eftir.
Hazard liggur óvígur eftir. vísir/getty
Eden Hazard verður ekki með Real Madrid í leiknum gegn Barcelona, El Clásico, síðar í mánuðinum vegna ökklameiðsla.

Hazard gekk í raðir Real fyrir 130 milljónir punda frá Chelsea í sumar en hann er talinn vera frá í fjórar vikur vegna meiðsla sem hann hlaut í leik gegn PSG í Meistaradeildinni í síðustu viku.

Real vonast eftir því að hinn belgíski Hazard verði aftur klár í slaginn er liðið mætir Valencia í undanúrslitaleik Supercopa þann 8. janúar.







Hazard er ekki eini leikmaðurinn sem á í hættu að missa af stórleiknum en vinstri bakvörðurinn Marcelo á einnig í hættu að missa af leiknum.

Real og Barcelona eru jöfn á toppi deildarinnar, bæði með átján stig, en liðin mætast 18. desember í Barcelona.




Fleiri fréttir

Sjá meira


×